உதகையில் தவெக சாா்பில் போதை ஒழிப்பு மாரத்தான்

தமிழக வெற்றிக் கழகத்தின் நீலகிரி மாவட்ட கொள்கை பரப்பு அணி, மாணவா் அணி சாா்பில் உதகையில் போதை ஒழிப்பு மாரத்தான் வியாழக்கிழமை நடைபெற்றது.

மாரத்தான் போட்டியை மாவட்ட விளையாட்டு அலுவலா் இந்திரா தொடங்கிவைத்தாா். பழங்குடியினா் பண்பாட்டு மையத்தில் தொடங்கிய மாரத்தான் சேரிங்கிராஸ், தீயணைப்பு நிலையம், ஆட்சியா் அலுவலகம், ஸ்டீபன் சா்ச் சாலை வழியாக மீண்டும் பழங்குடியினா் பண்பாட்டு மையத்தில் நிறைவடைந்தது.

இதில், 50-க்கும் மேற்பட்டோா் கலந்துகொண்டனா். 3 கிலோ மீட்டா் தொலைவுக்கு நடைபெற்ற இப்போட்டியில் முதலிடம் பிடித்தவருக்கு ரூ.3 ஆயிரம், இரண்டாம் இடம் பிடித்தவருக்கு ரூ.2 ஆயிரம், மூன்றாமிடம் பிடித்தவருக்கு ரூ.1000 மற்றும் கோப்பை வழங்கப்பட்டது.