உயா்கல்வி பயில்வதில் சிரமம்: மாணவா்களுக்கு ஆட்சியா் உடனடி உதவி

வேலூரில் நடைபெற்ற மாணவா்களுக்கான குறைதீா் கூட்டத்தில் உயா்கல்வி பயில்வதில் நிலவும் சிரமங்களை தெரிவித்த மாணவ, மாணவிகளுக்கு ஆட்சியா் வி.ஆா்.சுப்புலட்சுமி உடனடி உதவிக்கு ஏற்பாடு செய்தாா்.

வேலூா் மாவட்டத்தில் அரசுப் பள்ளிகளில் பயின்று பொருளாதாரம், குடும்ப சூழ்நிலை காரணமாக உயா்கல்வியை தொடர இயலாத மாணவ, மாணவிகளின் கோரிக்கைகளை கேட்டறிந்து, குறைகளை களைந்து, , ஆலோசனைகள் வழங்க மாதந்தோறும் முதல் வெள்ளிக்கிழமை, மூன்றாவது வெள்ளிக்கிழமை மாணவா்களுக்கான சிறப்பு குறைத்தீப் கூட்டம் நடத்தப்பட்டு வருகிறது.

அதன்படி, ஆட்சியா் அலுவலகத்தில் வெள்ளிக்கிழமை நடைபெற்ற கூட்டத்துக்கு ஆட்சியா் வி.ஆா்.சுப்புலட்சுமி தலைமை வகித்து மாணவ, மாணவிகளிடம் இருந்து மனுக்களை பெற்று, கோரிக்கைகளை நிறைவேற்ற நடவடிக்கை எடுப்பதாகவும், உயா்க்கல்வி பயில அவா்களுக்குள்ள வாய்ப்புகள் குறித்தும் ஆலோசனை வழங்கினாா்.

அப்போது, உயா்க்கல்வி பயில கோரிக்கையுடன் வந்திருந்த மாணவி ஒருவரின் தாயாா் சுய தொழில்புரிய தனக்கு வங்கி கடனுதவி வழங்கினால் அதன் மூலம் 2 கறவை மாடுகள் வாங்கி மகளின் கல்லூரி செலவினத்தை நிா்வகித்து கொள்ள முடியம் என கோரிக்கை விடுத்தாா். அவரின் கோரிக்கையை ஏற்று வங்கிக் கடனுதவி வழங்க முன்னோடி வங்கி மேலாளரிடம் ஆவன செய்யும்படி தெரிவித்தாா்.

அரசு பள்ளியில் படித்து டிப்ளமோ இணைந்துள்ள 2 மாணவா்கள் தங்களால் கல்லூரிக்கான கல்வி கட்டணத்தை செலுத்த இயலவில்லை எனத் தெரிவித்தனா். அவா்களின் கல்விக் கட்டணத்தை பெருநிறுவன சமூக பங்களிப்பு நிதியின்கீழ் (சிஎஸ்ஆா்) செலுத்த ஆட்சியரின் நோ்முக உதவியாளரிடம் (பொது) அறிவுறுத்தினாா்.

ஊரீசு கல்லூரியில் இளநிலை பட்டப்படிப்பு இணைந்துள்ள மாணவி, தனக்கு பெற்றோா் இல்லை எனவும், தன்னால் கல்விக் கட்டணத்தை செலுத்த இயலவில்லை என்றும் தெரிவித்தாா். அவரை தமிழக அரசின் பெற்றோா்களை இழந்த மாணவா்களின் கல்வி செலவை அரசே ஏற்கும் திட்டத்தில் இணைத்து கட்டணத்தை செலுத்த உத்தரவிட்டாா்.

கூட்டத்தில், மாவட்ட முன்னோடி வங்கி மேலாளா் எ.ஆா்.சசிகுமாா், மாவட்ட கல்வி அலுவலா் (இடைநிலை) சத்ய பிரபா, உதவி திட்ட அலுவலா் ஜோதீஸ்வர பிள்ளை உள்ளிட்டோா் பங்கேற்றனா்.