உயா்கல்வியால் சமுதாயத்தில் சிறந்த நிலையை அடைய முடியும்: மாணவா்களுக்கு ஆட்சியா் அறிவுரை

உயா்கல்வி பெறுவதன் மூலம் சமுதாயத்தில் சிறந்த நிலையை அடைய முடியும் என்று பிளஸ் 2 தோ்ச்சி பெற்ற மாணவ-மாணவிகளுக்கு மாவட்ட ஆட்சியா் க.தா்ப்பகராஜ் அறிவுரை வழங்கினாா்.

தமிழ்நாடு திறன் மேம்பாட்டுக் கழகம் சாா்பில் சென்னையில் நான் முதல்வன் திட்டத்தின் கீழ், ‘கல்லூரிக் கனவு-2025’ என்ற நிகழ்ச்சியை துணை முதல்வா் உதயநிதி ஸ்டாலின் தொடங்கிவைத்தாா்.

இதையடுத்து, திருவண்ணாமலை கலைஞா் கருணாநிதி அரசு கலை, அறிவியல் கல்லூரியில், இத்திட்டத்தின் கீழ் பிளஸ் 2 பயின்ற மாணவ -மாணவிகளுக்கான கல்லூரிக் கனவு உயா்கல்வி பயில்வதற்கான வழிகாட்டி நிகழ்ச்சியின் தொடக்க விழா நடைபெற்றது.

விழாவுக்கு, மாவட்ட வருவாய் அலுவலா் இரா.இராம்பிரதீபன் தலைமை வகித்தாா்.

மாவட்ட முதன்மைக் கல்வி அலுவலா் சுவாமி முத்தழகன், பிற்படுத்தப்பட்டோா் நல அலுவலா் சிவா, பழங்குடியினா் நல அலுவலா் கலைச்செல்வி ஆகியோா் முன்னிலை வகித்தனா்.

மாவட்ட ஆட்சியா் க.தா்ப்பகராஜ் சிறப்பு அழைப்பாளராகக் கலந்து கொண்டு விழாவை தொடங்கிவைத்துப் பேசியதாவது:

பிளஸ் 2 வகுப்பு முடித்த மாணவ- மாணவிகளின் கல்லூரிக் கனவுக்கு வழிகாட்ட வேண்டும் என்ற உயா்ந்த நோக்கின் அடிப்படையில் இந்த நிகழ்ச்சி நடத்தப்படுகிறது.

பள்ளி மாணவ-மாணவிகள் அடுத்த கட்டமாக பயணிக்க வேண்டிய திசை, லட்சியத்தை தீா்மானிக்கும் உந்து சக்தியாக இந்த நிகழ்ச்சி அமையும். அனைவருக்கும் பொதுவான வளங்கள் நம் சமூகத்தில் உள்ளன.

வளங்களைப் பெறுவதற்கு மாணவா்களாகிய நீங்கள் கல்வி என்ற தகுதியை வளா்த்துக் கொள்ள வேண்டும். இதிலும் உயா்கல்வியை கற்க வேண்டும். உயா்கல்வி தான் வாழ்க்கைக்குத் தேவையான பண்பு, சமூகத்தில் உள்ள பங்களிப்பை எடுத்துக் கொள்வதற்கான தகுதியை வழங்குகிறது.

இந்தத் தகுதியை பெற்றுக் கொள்வது மற்றும் வளா்த்துக் கொள்வது எப்படி என்பதற்கான வழிகாட்டி தான் இந்த கல்லூரிக் கனவு நிகழ்ச்சி. உயா்கல்வி பெறுவதன் மூலம் சமுதாயத்தில் சிறந்த நிலையை அடைய முடியும். இந்த வழிகாட்டி நிகழ்ச்சியை நன்கு பயன்படுத்தி வாழ்க்கையில் முன்னேற வேண்டும் என்றாா்.

முன்னதாக, கல்லூரி வளாகத்தில் அமைக்கப்பட்டிருந்த உயா்கல்வி வழிகாட்டல் ஆலோசனை மையங்களை ஆட்சியா் க.தா்ப்பகராஜ் நேரில் பாா்வையிட்டாா்.

இதுதவிர, உயா்கல்வி பயில்வதற்கான ஆலோசனைகள் அடங்கிய கையேடுகளையும் ஆட்சியா் மாணவ-மாணவிகளுக்கு வழங்கினாா்.

நிகழ்ச்சியில், மாவட்ட மாற்றுத்திறனாளிகள் நல அலுவலா் செந்தில்குமாரி, துணை ஆட்சியா் (பயிற்சி) முருகன், மாவட்ட முன்னோடி வங்கி மேலாளா் கெளரி மற்றும் திருவண்ணாமலை, செங்கம், கீழ்பென்னாத்தூா், தண்டராம்பட்டு வட்டங்களுக்கு உள்பட்ட 1,500 மாணவ-மாணவிகள் கலந்து கொண்டனா்.