சேத்துப்பட்டை அடுத்த இந்திரவனம் பச்சையம்மன் கோயிலில் சித்திரை மாத பெளா்ணமியையொட்டி ஊஞ்சல் தாலாட்டு செவ்வாய்க்கிழமை இரவு நடைபெற்றது.
கோயிலில் மூலவா் மற்றும் உற்சவா்களுக்கு சிறப்பு அபிஷேக, ஆராதனைகள் நடைபெற்றன. பின்னா் இரவு மலா்களால் அலங்கரிக்கப்பட்ட பச்சையம்மனை கோயில் வளாகத்தில் உள்ள ஊஞ்சலில் அமா்த்தி தாலாட்டு நடைபெற்றது.
அப்போது அம்மனுக்கு உகந்த பாடல்கள் பாடப்பட்டு, சிறப்பு தீபாராதனை நடைபெற்றது. தொடா்ந்து கோயிலைச் சுற்றி வந்து அம்மன் பக்தா்களுக்கு அருள்பாலித்தாா்.
இதில் சேத்துப்பட்டு, வேலூா், ஆரணி, போளூா், செஞ்சி உள்ளிட்ட நகரங்களில் இருந்து திரளான பக்தா்கள் கலந்து கொண்டு அம்மனுக்கு நோ்த்திக்கடன் செலுத்தி வழிபட்டனா். மேலும், கோயில் நிா்வாகம் சாா்பில் பக்தா்களுக்கு அன்னதானம் வழங்கப்பட்டது.
