ஊதியூரில் வேளாண் இயந்திரங்கள் சிறப்பு முகாம்: அமைச்சா்கள் பாா்வையிட்டு நலத்திட்ட உதவிகளை வழங்கினா்

காங்கயம் அருகே ஊதியூரில் நடைபெற்ற வேளாண் இயந்திரங்கள் பராமரிப்பு குறித்த சிறப்பு முகாமை அமைச்சா்கள் மு.பெ.சாமிநாதன், என்.கயல்விழி செல்வராஜ் ஆகியோா் பாா்வையிட்டு, நலத்திட்ட உதவிகளை வழங்கினா்.

காங்கயம் அருகே, ஊதியூரில் உள்ள பழனி பாதயாத்திரை பக்தா்கள் தங்கும் மண்டபத்தில், வேளாண்மை பொறியியல் துறையின் சாா்பில் வேளாண் இயந்திரங்கள், வேளாண் கருவிகளின் செயல்பாடுகள் மற்றும் அதன் பராமரிப்பு குறித்த சிறப்பு முகாம் சனிக்கிழமை நடைபெற்றது.

இம்முகாமை தமிழ் வளா்ச்சி மற்றும் செய்தித்துறை அமைச்சா் மு.பெ.சாமிநாதன், மனிதவள மேலாண்மைத்துறை அமைச்சா் என்.கயல்விழி செல்வராஜ் ஆகியோா் பாா்வையிட்டு, ஆய்வு மேற்கொண்டனா். பின்னா், வேளாண்மை இயந்திரமாக்கல் உப இயக்கம் மற்றும் முதலமைச்சரின் மின்மோட்டா் மானியத் திட்டத்தின் கீழ், 10 விவசாயிகளுக்கு ரூ.10.24 லட்சம் மதிப்பீட்டிலான வேளாண் இயந்திரங்கள் வாங்குவதற்கான ஆணைகளை வழங்கினா்.

இந்த நிகழ்ச்சியில், தாராபுரம் கோட்டாட்சியா் பெலிக்ஸ் ராஜா, வேளாண் பொறியியல்துறை செயற்பொறியாளா் காா்த்திகேயன், உதவி செயற்பொறியாளா்கள் சந்திரன், கிருஷ்ணன், சுப்பிரமணியன், உதவிப் பொறியாளா்கள் கோபிநாத், நவீன்குமாா், மாதேஷ்வரன், சரவணன், ஸ்ரீராம், ரமேஷ், தமிழ்ச்செல்வி மற்றும் விவசாயிகள், துறை சாா்ந்த அலுவலா்கள் கலந்து கொண்டனா்.