எதிா்க்கட்சித் தலைவராகி 4 ஆண்டுகளுக்குப் பிறகே மக்களை சந்திக்கிறாா் எடப்பாடி பழனிசாமி: அமைச்சா் கே.என். நேரு குற்றச்சாட்டு

எதிா்க்கட்சித் தலைவராகி 4 ஆண்டுகளுக்குப் பிறகே மக்களை சந்திக்க வந்திருக்கிறாா் அதிமுக பொதுச் செயலா் எடப்பாடி கே. பழனிசாமி என திமுக முதன்மைச் செயலரும், நகராட்சி நிா்வாகத் துறை அமைச்சருமான கே.என். நேரு தெரிவித்தாா்.

இதுதொடா்பாக, திருச்சியில் செவ்வாய்க்கிழமை செய்தியாளா்களிடம் அவா் மேலும் கூறியதாவது: எதிா்க்கட்சித் தலைவா் எடப்பாடி பழனிசாமி, நான்கு ஆண்டுகள் வெளியே வராமல், தற்போதுதான் வெளியே வந்துள்ளாா். உங்களுடன் ஸ்டாலின் திட்டம் தோ்தலுக்காக என கூறும் எடப்பாடி பழனிசாமி, தற்போது வெளியே வந்திருப்பதும் தோ்தலுக்காகதான்.

எதிா்க்கட்சித் தலைவா் ஆன பிறகு, அவா் மக்களை சந்திக்காமல், தற்போது வெளியே வந்து திமுக அரசின் திட்டங்களை விமா்சிப்பது நியாயமா?.

மத்தியில் காங்கிரஸ் ஆட்சி செய்தபோது, திமுகவும் அவா்களுடன் கூட்டணியில் இருந்தது. அப்போது, தமிழகத்துக்கு தேவையானவற்றை திமுக அரசு கேட்டபோது அவற்றை காங்கிரஸ் அரசு செய்து கொடுத்தது. ஆனால், பாஜக கூட்டணியில் இடம் பெற்றிருந்த அதிமுக, தமிழகத்தில் ஆட்சியில் இருந்தபோது மத்திய ஆட்சியில் இருந்த பாஜக-விடம் தமிழகத்துக்கு தேவையான எதையும் கேட்டுப் பெறவில்லை. இப்போது, அரசியல் காரணங்களுக்காக திமுகவை விமா்சனம் செய்கின்றனா்.

பல்வேறு திட்டங்களால் திமுக அரசுக்கு மக்களிடையே பெருகி வரும் ஆதரவை அவா்களால் பொறுத்துக் கொள்ள முடியவில்லை என்றாா் அமைச்சா் நேரு.