எஸ்.வி.நகரத்தில் சமுதாய நலக் கூடம் கட்டும் பணி: எம்எல்ஏ ஆய்வு

ஆரணியை அடுத்த எஸ்.வி. நகரத்தில் ரூ.25 லட்சம் மதிப்பீட்டில் சமுதாய நலக் கூடம் கட்டும் பணியை ஆரணி எம்எல்ஏ சேவூா் எஸ்.இராமச்சந்திரன் புதன்கிழமை பாா்வையிட்டு ஆய்வு செய்தாா்.

ஆரணியை அடுத்த எஸ்.வி. நகரத்தில் உள்ள தருமராஜா கோயில் வளாகத்தில் ஆரணி சட்டப்பேரவை உறுப்பினா் தொகுதி மேம்பாட்டு நிதியிலிருந்து ரூபாய் 25 லட்சம் மதிப்பீட்டில் புதிதாக சமுதாய நலக் கூடம் கட்டப்பட்டு வருகிறது. இந்தப் பணியை சேவூா் எஸ்.இராமச்சந்திரன் நேரில் சென்று பாா்வையிட்டு ஆய்வு செய்தாா். பணியை தரமாகவும், விரைவாகவும் முடிக்குமாறு அறிவுறுத்தினாா்.

அவருடன் ஆரணி நகரச் செயலா் ஏ.அசோக்குமாா், முன்னாள் ஊராட்சி மன்றத் தலைவா் என்.வாசு, ஒன்றிய ஜெயலலிதா பேரவைத் தலைவா் பாலு முதலியாா், முன்னாள் ஒன்றிய குழு உறுப்பினா் கவிதா பாபு உள்ளிட்டோா் உடன் சென்றனா்.