`ஒரு கோழியின் கதை' ஆயுளைக் கடந்து; 14 ஆண்டுகள் கடந்து வாழும் ’உலகின் வயதான கோழி’ - ஆச்சர்ய பின்னணி

அமெரிக்காவின் டெக்சாஸ் மாநிலத்தில் வாழும் ‘Pearl’ என்ற கோழி, சாதாரணமாக 3 முதல் 10 ஆண்டுகள் வரை மட்டுமே வாழும் கோழிகளின் சராசரி ஆயுளை மீறி, 14 ஆண்டுகள் வாழ்ந்து கின்னஸ் உலக சாதனையைப் படைத்துள்ளது.

Pearl இந்த ஆண்டு மே மாதத்தில் 14 ஆண்டுகள் 69 நாட்கள் நிறைவுற்ற நிலையில், "உலகின் மிக வயதான கோழி" என்ற கின்னஸ் சாதனையைப் பெற்றது.

டெக்சாஸில் வசிக்கும் சொன்யா ஹல் என்பவரின் வீட்டில், பெர்ல் (Pearl) உட்பட பல கோழிக்குஞ்சுகள் உள்ளன.

இருக்கும் கோழிகளிலேயே பெர்ல் தான் மிகச் சிறியது எனவும், பிற கோழிகள் எப்போதும் அதைத் துன்புறுத்தியதாகவும் உரிமையாளர் கூறுகிறார்.

பெர்ல் வயதான பிறகு குடும்பத்தினர் அதைக் கூண்டிலில்லாமல் வீட்டுக்குள் வைத்து பராமரிக்க முடிவு செய்திருக்கின்றனர்.

பெர்லின் வாழ்க்கையில் பல சவால்கள் இருந்தன

காலை எலும்பு முறிவு, அணில்கரடி தாக்குதல், சிக்கன் பாக்ஸ், மற்றும் வாதம் போன்ற பல்வேறு சவால்களை பெர்ல் கடந்து வாழ்ந்து வருகிறது.

"இத்தனை பிரச்னைகளையும் கடந்து, இன்னும் வாழ்ந்து வருவது ஆச்சரியம் தான்," என உரிமையாளர் சொன்யா ஹல் பெருமையுடன் தெரிவித்தார்.

பெர்ல் "ஈஸ்டர்-எக்கர் ஹென்" என்ற இனத்தைச் சேர்ந்தவை எனக் கூறப்படுகிறது. இந்த இனத்தைச் சேர்ந்த கோழிகள், சராசரியாக 5 முதல் 8 ஆண்டுகள் தான் வாழுமாம். ஆனால் பெர்ல் அந்த எல்லையைத் தாண்டி வாழ்ந்து, உலக சாதனை படைத்திருப்பது பலரையும் ஆச்சரியத்தில் ஆழ்த்தியுள்ளது.