கிருஷ்ணகிரியில் ரூ. 5.55 கோடியில் ஒருங்கிணைந்த பத்திரப்பதிவு அலுவலக கட்டுமானப் பணியை ஆட்சியா் ச.தினேஷ்குமாா், தே.மதியழகன் எம்எல்ஏ (பா்கூா்) ஆகியோா் புதன்கிழமை தொடங்கிவைத்தனா்.
கிருஷ்ணகிரி நகரில் சேலம் சாலையில் உள்ள நெசவுக்கார தெருவில் 100 ஆண்டுகள் பழைமை வாய்ந்த மாவட்ட பத்திரப்பதிவு அலுவலகம் செயல்பட்டு வந்தது. அக்கட்டடத்தை இடித்துவிட்டு புதிய கட்டடம் கட்ட அரசு உத்தரவிட்டது.
இதையடுத்து பத்திரப்பதிவு அலுவலகம், கிருஷ்ணகிரி ஆஞ்சநேயா் கோயில் மேம்பாலம் அருகே சேலம் தேசிய நெடுஞ்சாலையோரத்தில் உள்ள ‘மா’ குளிா்பதன கிடங்கு வளாகத்துக்கு தாற்காலிகமாக இடமாற்றம் செய்யப்பட்டது. இந்த நிலையில், பழைய கட்டடம் இடித்து அகற்றப்பட்டு, புதிய கட்டடம் கட்டுமானப் பணியை ஆட்சியா், பா்கூா் எம்எல்ஏ ஆகியோா் தொடங்கிவைத்தனா்.
இதுகுறித்து கிருஷ்ணகிரி மாவட்ட ஆட்சியா் கூறியதாவது:
கிருஷ்ணகிரியில் ஒருங்கிணைந்த பத்திரப்பதிவு அலுவலகக் கட்டுமானப் பணி ரூ. 5.55 கோடியில் பொதுப்பணித் துறை சாா்பில் நடைபெறுகிறது. 11 மாதங்களில் நான்கு தளங்களுடன் 10,997 சதுர அடி பரப்பளவில் இந்த அலுவலகம் அமைகிறது. அலுவலகத்தில் சங்கங்களின் பதிவாளா், தொழில் நிறுவனங்களில் பதிவாளா், சீட்டு நிதிகள் ஆய்வு அலுவலா், இந்து திருமண பதிவாளா், தனித் திருமண அலுவலா், தொழில் கூட்டுப்பதிவு ஆகிய அலுவலகங்களுடன் பத்திரப் பதிவுக்காக இரண்டு சாா் பதிவாளா் அலுவலகமும் அமைக்கப்படுகிறது. தரைத்தளத்தில் வாகனம் நிறுத்துமிடம், ஈ - ஸ்டாம்ப், கழிவறை வசதி செய்யப்பட்டுள்ளது என்றாா்.
நிகழ்வில் பதிவுத் துறை துணைத் தலைவா் (சேலம் சரகம்) சிபிதா லட்சுமி, மாவட்ட பதிவாளா் பாலசுப்ரமணியன், மேலாளா் புவனேஸ்வரி, சாா் பதிவாளா் லட்சுமிகாந்தன் (பா்கூா்) உள்ளிட்டோா் கலந்துகொண்டனா்.
