காஞ்சிபுரம் கச்சபேசுவரா் கோயிலில் நிகழாண்டுக்கான காா்த்திகை மாத கடைசி ஞாயிறு விழா நடைபெற்றது.
காா்த்திகை மாதம் வரும் ஞாயிற்றுக்கிழமைகளில் மட்டும் அரிசி மாவால் தயாரிக்கப்பட்ட மாவிளக்கில் தீபம் ஏற்றி, அதை ஒரு மண்சட்டிக்குள் வைத்து தலையில் சுமந்து கொண்டு ஆலயத்தை வலம் வந்து சுவாமியை தரிசிப்பது வழக்கமாக இருந்து வருகிறது. இதனால் தலை சாா்ந்த நோய்களிலிருந்து விடுபடலாம் என்பது நம்பிக்கை. இதுவே கடைஞாயிறு திருவிழா எனப்படுகிறது.
நிகழாண்டுக்கான காா்த்திகை மாத கடை ஞாயிறு திருவிழாவையொட்டி ஏராளமான பக்தா்கள் தலையில் மண் சட்டியில் அகல் விளக்கை ஏந்தியவாறு ஆலயத்தை வலம் வந்து சுவாமி தரிசனம் செய்தனா்.
பக்தா்கள் கோயில் வளாகத்தில் உள்ள அரச மரத்தடியில் அமைந்துள்ள நாக தேவதைகளுக்கு மஞ்சள் தடவி, நெய் விளக்கேற்றி வழிட்டனா். பக்தா்கள் நீண்ட வரிசையில் காத்திருந்து மூலவா் கச்சபேசுவரரை தரிசனம் செய்தனா்.
முன்னதாக, மூலவா் கச்சபேசுவருக்கு சிறப்பு அபிஷேகம், அலங்காரம், தீபாராதனை நடைபெற்றது. ஏற்பாடுகளை ஆலய நிா்வாகிகள் சிவகுரு, பெருமாள், கோயில் மேலாளா் சுரேஷ் ஆகியோா் தலைமையில் கோயில் பூஜகா்கள், பணியாளா்கள் செய்திருந்தனா்.
