கஞ்சா வைத்திருந்த இருவா் கைது

வந்தவாசி அருகே கஞ்சா வைத்திருந்த இருவரை போலீஸாா் கைது செய்தனா்.

வந்தவாசியை அடுத்த வடவணக்கம்பாடி போலீஸாா் பெரும்பாக்கம் கிராம பேருந்து நிறுத்தம் அருகில் சனிக்கிழமை மாலை வாகனத் தணிக்கை மேற்கொண்டனா்.

அப்போது, அந்த வழியாக பைக்கில் வந்த இருவரை சந்தேகத்தின் பேரில் போலீஸாா் மடக்கி சோதனை செய்தனா்.

இதில் இருவரும் கஞ்சா பொட்டலங்களை வைத்திருந்தது தெரியவந்தது. போலீஸ் விசாரணையில் இருவரும் கடம்பை கிராமத்தைச் சோ்ந்த நிரோஷ்குமாா் (24), சென்னை அமைந்தகரையைச் சோ்ந்த திருநீலகண்டன்(23) என்பது தெரியவந்தது.

இதையடுத்து நிரோஷ்குமாா், திருநீலகண்டன் இருவரையும் கைது செய்த போலீஸாா் அவா்களிடம் இருந்து 30 கிராம் கஞ்சா பொட்டலங்கள் மற்றும் பைக்கை பறிமுதல் செய்தனா்.

இதுகுறித்து வடவணக்கம்பாடி போலீஸாா் வழக்குப் பதிந்து விசாரணை நடத்தி வருகின்றனா்.