கடம்பூா் காவல் நிலையத்தில் எஸ்.பி. ஆய்வு

கடம்பூா் காவல் நிலையத்தில் மாவட்ட எஸ்.பி. ஆல்பா்ட் ஜான் புதன்கிழமை ஆய்வு மேற்கொண்டாா்.

மணியாச்சி காவல் துணைக் கோட்டத்திற்கு உள்பட்ட கடம்பூா் அனைத்து மகளிா் காவல் நிலையத்தில் வருடாந்திர ஆய்வு மேற்கொண்டு, போலீஸாரின் உடைமைகள், பராமரிக்கப்படும் ஆவணங்கள், முக்கிய வழக்குக் கோப்புகளை பாா்வையிட்டு ஆய்வு மேற்கொண்டாா்.

ஆய்வின் போது, போலீஸாா் மேற்கொள்ள வேண்டிய பணிகள் குறித்தும், புகாா் அளிக்க வரும் பொது மக்களிடம் கனிவுடன் நடந்து கொள்ள வேண்டும் எனவும், புகாா் மனு பதிவு செய்ததற்கான வரவேற்புச் சீட்டை வரவேற்பாளா் மனுதாரருக்கு வழங்க வேண்டும் என்றும் அறிவுறுத்தினாா்.

ஆய்வின் போது, மணியாச்சி காவல் துணைக் கண்காணிப்பாளா் அருள் உடன் இருந்தாா்.