கடலில் தவறி விழுந்து ஷிப்பிங் நிறுவன மேலாளா் உயிரிழப்பு

தூத்துக்குடியில் ஷிப்பிங் நிறுவன மேலாளா் கடலில் தவறி விழுந்து உயிரிழந்தாா்.

தூத்துக்குடி போல்டன்புரத்தைச் சோ்ந்த ராஜையா மகன் சந்தனராஜ் (43). தூத்துக்குடியில் உள்ள தனியாா் ஷிப்பிங் நிறுவனத்தில் கடல்சாா் பொறியியல் (மரைன் என்ஜினீயரிங்) பிரிவில் மேலாளராக வேலை பாா்த்து வந்தாா். இவருக்கு மனைவி திலகராணி (30), 5 வயது மகன், 3 வயது மகள் உள்ளனா்.

சந்தனராஜ் திங்கள்கிழமை இரவு, பழைய துறைமுகத்தில் நடைபெற்றுவரும் பணிகளைப் பாா்வையிடச் சென்றாா். அங்கு நிறுத்திவைக்கப்பட்ட படகிலிருந்து அருகே நின்றிருந்த கப்பலுக்கு தாவிச் செல்ல முயன்றாராம். அப்போது, அவா் நிலைதடுமாறி கடலில் விழுந்தாராம்.

தகவலின்பேரில், துறைமுக தீயணைப்புத் துறையினா் சென்று அவரை மீட்டு முதலுதவிக்குப் பின்னா், தனியாா் மருத்துவமனைக்கு கொண்டு சென்றனா். அங்கு பரிசோதித்த மருத்துவா்கள், அவா் ஏற்கெனவே இறந்துவிட்டதாகத் தெரிவித்தனா். இதையடுத்து, அவரது சடலம் கூறாய்வுக்காக அரசு மருத்துவமனைக்கு கொண்டுசெல்லப்பட்டது.

இதுகுறித்து தருவைகுளம் கடல் காவல் நிலைய போலீஸாா் வழக்குப் பதிந்து விசாரித்து வருகின்றனா்.