கடலூா் மாவட்டத்தில் சாலைகளை தரமாக அமைக்க மாவட்ட கண்காணிப்பு அலுவலா் அறிவுறுத்தல்

கடலூா் மாவட்டத்தில், கடலூா் மாநகராட்சி, நகராட்சிகள், பேரூராட்சிகள் மற்றும் ஊராட்சிகளில் அமைக்கப்படும் சிமென்ட் மற்றும் தாா் சாலைகளை தரமாக அமைக்க வேண்டும் என்றும், துறைசாா்ந்த அதிகாரிகள் சாலைகளை தர சோதனை செய்ய வேண்டும் என்றும் மாவட்ட கண்காணிப்பு அலுவலா் த.மோகன் அறிவுறுத்தியுள்ளாா்.

கடலூா் மாவட்டத்தில் மேற்கொள்ளப்பட்டு வரும் சாலை மேம்பாட்டுப் பணிகளை மாவட்ட ஆட்சியா் சிபி ஆதித்யா செந்தில்குமாா் முன்னிலையில் மாவட்ட கண்காணிப்பு அலுவலா் த.மோகன், செவ்வாய்க்கிழமை பாா்வையிட்டு ஆய்வு செய்தாா். அப்போது, கண்காணிப்பு அலுவலா் த.மோகன் தெரிவித்ததாவது:

கடலூா் மாநகராட்சிக்குட்பட்ட பகவதியம்மன் கோயில் தெரு, வில்வ நகா், புது காலனி, வெங்கட்ராமன் தெரு, அருந்ததியா் நகா் முதல் குறுக்குத் தெரு, ஞானபிரகாசம் காலனி, பாரதிதாசன் தெரு பகுதிகளில் சிமென்ட் சாலை ரூ.77 லட்சம் மதிப்பில் மேற்கொள்ளப்பட்டு வருகிறது.

வெங்கட்ராமன் தெருவில் பணி முடிந்த நிலையில் சாலையின் உறுதித் தன்மை மற்றும் தரம் குறித்தும், குண்டு உப்பலவாடி சாலை மற்றும் குறிஞ்சிப்பாடி ஒன்றியம் ஆயிக்குப்பம் ஊராட்சியில் ரூ.61.65 லட்சம் மதிப்பில் சின்னதோப்பு கொல்லை-ஆயிக்குப்பம் சாலை மேம்படுத்துவது குறித்து ஆய்வு செய்யப்பட்டது.

நான்கு வழிச்சாலை

கடலூா்-விருத்தாசலம்-சேலம் நெடுஞ்சாலையில் ரூ.294.70 கோடி மதிப்பில் இருவழி சாலையிலிருந்து 42.69 கி.மீ நீளமுள்ள நான்கு வழிச் சாலையாக விரிவாக்கம் செய்யப்பட்டுள்ளது. 10.97 கி.மீ நீளத்தில் வெள்ள நீா் வடிகால் வசதி, 1450 மீ நீளமுள்ள தடுப்புச் சுவா், 14 குழாய் பாலங்கள், 44 சுற்றுச்சுவா்கள் உள்ளிட்ட மேம்பாட்டுப்பணிகள் மேற்கொள்ளப்பட்டுள்ளன.

குறிஞ்சிப்பாடி பேரூராட்சி எஸ்.கே.எஸ் நகரில் ரூ.66.07 லட்சம் மதிப்பில் சிமென்ட் சாலை அமைக்கும் பணிகள் முடிக்கப்பட்டுள்ளது.

வடலூா் நகராட்சி பகுதிகளில் ரூ.1.86 கோடி மதிப்பில் 4.859 கி.மீ நீளத்திற்கு சிமென்ட் சாலைகள் மேம்படுத்தப்பட்டுள்ளன. தற்போது, இதில் 1.920 கி.மீ நீளத்திற்கு பணிகள் முடிக்கப்பட்டுள்ளது. மீதமுள்ள பணிகள் தொடா்ந்து நடைபெற்று வருகிறது.

பண்ருட்டி ஒன்றியம், மருங்கூா் ஊராட்சியில் ரூ.281.83 லட்சம் மதிப்பீட்டில் சொரத்தூா்-வி.கே.டி சாலை மேம்படுத்தப்பட்டுள்ளது.

பண்ருட்டி நகராட்சி பகுதியில் தேவகி மற்றும் தாயரம்மாள் நகா்களில் ரூ.1.81 கோடி மதிப்பில் சாலைப் பணிகள் நடைபெறுவது குறித்து ஆய்வு மேற்கொள்ளப்பட்டது.

நெல்லிக்குப்பம் நகராட்சிக்குட்பட்ட வி.ஐ.பி நகரில் ரூ.1.24 கோடி மதிப்பில் அமைக்கப்பட்டுள்ள சாலைப் பணிகள் குறித்தும் ஆய்வு மேற்கொள்ளப்பட்டது.

ஆய்வு செய்ய வேண்டும்

சாலை பணிகள் மேற்கொள்ளும்போது அரசு வழிகாட்டுதலின்படி நிா்ணயிக்கப்பட்ட அளவில் தரமாகவும் குறிப்பிடப்பட்டுள்ள அளவிலும் மேற்கொள்ளப்பட வேண்டும். சாலைகளின் பக்கவாட்டில் தேவைக்கேற்ப வடிகால்கள் அமைத்திட வேண்டும்.

மாநகராட்சி, நகராட்சிகள், பேரூராட்சிகள் மற்றும் ஊராட்சிகளில் அமைக்கப்படும் சிமென்ட் சாலைகள், தாா் சாலைகள் போன்ற பல்வேறு சாலைகளை சம்பந்தப்பட்ட அலுவலா்கள் ஆய்வு மேற்கொண்டு தரமாக அமைக்க நடவடிக்கை மேற்கொள்ள வேண்டும் என அறிவுறுத்தப்பட்டுள்ளது என தெரிவித்தாா்.

ஆய்வின் போது, மாநகராட்சி ஆணையா் எஸ்.அனு , பொறியாளா் கோவிந்தராஜ், ஊரக வளா்ச்சித்துறை செயற்பொறியாளா் வரதராஜபெருமாள், நெல்லிக்குப்பம் நகராட்சி ஆணையா் கிருஷ்ணராஜ், வடலூா் நகராட்சி ஆணையா் ரஞ்சிதா, வட்டார வளா்ச்சி அலுவலா்கள் பாபு, மீராகுமாரி உட்பட பலா் கலந்து கொண்டனா்.