கடையத்தில் அரசுப் பணி வாங்கித் தருவதாக மோசடி: இருவா் கைது

கடையத்தில் மாவட்ட ஆட்சியா் அலுவலகத்தில் பணி வாங்கித் தருவதாகக் கூறி மோசடியில் ஈடுபட்டவரையும் உதவியாக இருந்தவரையும் போலீஸாா் கைது செய்தனா்.

விருதுநகா், அருங்காட்சியகம் பகுதியைச் சோ்ந்த ராஜேந்திரன் மகன் நாகராஜேந்திரன் (55). இவா், பத்திரிகையாளா் என்று கூறி தென்காசி மாவட்டம் கீழக்கடையம் பகுதியில் அலுவலகம் அமைத்து செயல்பட்டு வந்தாராம்.

இந்நிலையில், கீழக்கடையம், வடக்குப்பிள்ளையாா் கோயில் தெருவைச் சோ்ந்த சைலப்பன் மகன் ராஜா (30), நாகராஜேந்திரனுடன் நட்பாகியுள்ளாா். இதையடுத்து, ஆட்சியா் அலுவலகத்தில் ஓட்டுநா் பணி வாங்கித் தருவதாகக் கூறியதை நம்பிய ராஜா, நாகராஜேந்திரனிடம் ரூ. 3 லட்சம் கொடுத்துள்ளாா்.

நீண்ட நாள்களாக பணி வாங்கித் தராததால், ராஜா வலியுறுத்திக் கேட்டதையடுத்து ஓட்டுநா் பணிக்கான ஆட்சியா் கையொப்பத்துடன் கூடிய ஆணையை வழங்கியுள்ளாா். அந்த ஆணையை, ராஜா தென்காசி ஆட்சியா் அலுவலகத்தில் கொடுத்துப் பணியில் சேர கேட்ட போது, அந்த ஆணையும், ஆட்சியா் கையொப்பமும் போலி என தெரிய வந்தது.

ஆட்சியரின் நோ்முக உதவியாளா் செல்வகுமாா், இது குறித்து கடையம் காவல் நிலையத்தில் புகாரளித்தாா். மாவட்டஎஸ்.பி. அரவிந்த் உத்தரவின் பேரில் கடையம் காவல் ஆய்வாளா் சுரேஷ்குமாா் வழக்குப் பதிவு செய்து மோசடியில் ஈடுபட்ட நாகராஜேந்திர குமாா், போலி ஆவணம் தயாரிக்க உதவிய விருதுநகரைச் சோ்ந்த ரமேஷ் ஆகிய இருவரையும் கைது செய்தாா்.

விசாரணையில், மேலும் இருவருக்கு இது போன்று போலி ஆணை தயாரித்தது தெரிய வந்தது.