பொள்ளாச்சியில் முதல்நாள் பள்ளிக்குச் சென்று திரும்பிய மாணவி தற்கொலை!
சிவகங்கை அருகேயுள்ள நாட்டரசன்கோட்டை கண்ணுடைய நாயகி அம்மன் கோயிலில் வைகாசி விசாகத் திருவிழா ஞாயிற்றுக்கிழமை கொடியேற்றத்துடன் தொடங்கியது.
இந்தக் கோயிலில் கடந்த 31-ஆம் தேதி அனுக்கை, விக்னேஸ்வர பூஜை, வாஸ்து சாந்தி பூஜை நடைபெற்றது. ஞாயிற்றுக்கிழமை காலை 10.30 மணியளவில் கொடியேற்றத்துடன் வைகாசி விசாகத் திருவிழா தொடங்கியது.
11 நாள்கள் நடைபெறும் இந்தத் திருவிழாவை முன்னிட்டு, தினந்தோறும் காலை 9 மணிக்கு வெள்ளி கேடகத்தில் அம்மன் வீதி உலா நடைபெறும். இதேபோல, தினந்தோறும் இரவு 7 மணிக்கு அம்மன் சிம்மம், காமதேனு, யானை, பூதம், வெள்ளி ரிஷப, வெள்ளி குதிரை வாகனங்களில் வீதியுலா வருவாா்.
வருகிற 9-ஆம் தேதி அதிகாலை அலங்கரிக்கப்பட்ட தேரில் அம்மன் எழுந்தருள்வாா். அன்று காலை 9.25 மணிக்கு தேரோட்டமும், இரவு அம்மன் புஷ்ப பல்லக்கிலும் வீதி உலா வருவாா்.
10-ஆம் தேதி காலை 8 மணிக்கு பக்தா்கள் பால் குடம் எடுத்தும், பூக்குழி இறங்கியும் நோ்த்திக் கடன் செலுத்துவா். 11-ஆம் தேதி காலை உத்ஸவ சாந்தி, மாலையில் வெள்ளி ஊஞ்சல் உத்ஸவத்துடன் திருவிழா நிறைவு பெறுகிறது.
