சோமங்கலம் அடுத்த பூந்தண்டலம் பகுதியில் இயங்கி வரும் சாய்ராம் பொறியியல் கல்லூரியில், கல்லூரி மாணவா்களுக்கான தமிழ்க் கனவு நிகழ்ச்சியை ஆட்சியா் கலைச்செல்வி மோகன் புதன்கிழமை தொடங்கி வைத்தாா்.
தமிழ் இணைய கல்வி கழகம் சாா்பில் தமிழ்க் கனவு என்ற தலைப்பில், தமிழ் மரபு மற்றும் பண்பாட்டுப் பரப்புரை நிகழ்ச்சியை தொடங்கி வைத்து ஆட்சியா் கலைச்செல்வி மோகன் பேசியது:
உலகின் செழித்தோங்கிய பண்பாடுகளில் முதன்மையான தமிழ்ப் பண்பாட்டின் பெருமைகளையும், வளமையையும் அது எதிா்கொண்ட சவால்களையும் மாணவா்களாகிய உங்களிடம் கொண்டு சோ்ப்பதற்காக இந்த நிகழ்ச்சி நடத்தப்பட்டு வருகிறது. தமிழ்ப் பண்பாட்டின் பெருமையை இளைய தலைமுறைக்கு, குறிப்பாகக் கல்லூரி மாணவா்களுக்கு உணா்த்துவது ஆரோக்கியமான எதிா்காலச் சமூகக் கட்டமைப்பின் முக்கியமான பகுதியாகும்.
எனவே, தமிழ்நாடு முழுவதும் உள்ள 200 கல்லூரிகளில் தமிழா் மரபும் நாகரிகமும், உயா்தனிச் செம்மொழியான தமிழின் சிறப்பு, இலக்கியச் செழுமை, தமிழா் தொன்மை, சமூக சமத்துவம், மகளிா் மேம்பாடு, தொல்லியல் ஆய்வுகள், தொழில் வளா்ச்சி, கல்விப் புரட்சி முதலிய தலைப்புகளின் கீழ் சிறந்த சொற்பொழிவாளா்களைக் கொண்டு சொற்பொழிவு நிகழ்ச்சிகள் நடத்தப்படுகின்றன என்றாா்.
இதையடுத்து சொற்பொழிவாளா் அருள்மொழி ‘இனிவரும் உலகம்‘ என்ற தலைப்பில் மாணவா்களிடம் உரையாற்றி, கலந்துரையாடினாா். நிகழ்ச்சியில் கலந்து கொண்ட மாணவா்களுக்கு உயா்கல்வி மற்றும் வேலைவாய்ப்பு வழிகாட்டி புத்தகமும், தமிழ்ப் பெருமிதம் குறித்த குறிப்பேடும் வழங்கப்பட்டன. இதையடுத்து பல்வேறு போட்டிகளில் வெற்றி பெற்ற மாணவா்களுக்கு ஆட்சியா் சான்றிதழ்களை வழங்கினாா்.
நிகழ்ச்சியில் மாவட்ட வருவாய் அலுவலா் செ.வெங்கடேஷ், ஸ்ரீபெரும்புதூா் சாா் ஆட்சியா் ந.மிருணாளினி, சாய்ராம் நிறுவனங்கள் தலைமை நிா்வாக அதிகாரி மற்றும் தலைவா் டாக்டா். சாய்பிரகாஷ் லியோ முத்து, சாய்ராம் பொறியியல் கல்லூரி முதல்வா் ஜே.ராஜா, பேராசிரியா்கள், அரசு அலுவலா்கள், மாணவா்கள் கலந்து கொண்டனா்.
