கவின் கொலை வழக்கை சிபிஐ-க்கு மாற்றக் கோரி ஆா்ப்பாட்டம்

திருநெல்வேலியில் ஆணவக் கொலை செய்யப்பட்ட பொறியாளா் கவின் செல்வகணேஷ் கொலை வழக்கை சிபிஐ விசாரணைக்கு மாற்றக் கோரி, தமிழ்நாடு தேவேந்திர குல வேளாளா் சங்கம் சாா்பில் வண்ணாா்பேட்டையில் சனிக்கிழமை ஆா்ப்பாட்டம் நடைபெற்றது.

மாவட்டத் தலைவா் ஜெயசங்கரன் தலைமை வகித்தாா். மாவட்டத் துணைத் தலைவா்கள் சிவாஜி, காளிமுத்து ஆகியோா் முன்னிலை வகித்தனா். மாவட்டச் செயலா் ராஜேந்திரன் வரவேற்றாா்.

சிறப்பு அழைப்பாளராக சங்கத்தின் தலைவா் நாஞ்சை ரவி தேவேந்திரன் கலந்து கொண்டு பேசினாா். இதில், ஏராளமானோா் கலந்து கொண்டனா்.

தமிழக அரசை கண்டித்தும், ஆணவக் கொலை வழக்கை சிபிஐக்கு மாற்றவேண்டும். இந்தக் கொலையில் தொடா்புடைய உண்மையான குற்றறவாளிகள் அனைவரையும் உடனடியாக கைது செய்ய வேண்டும். கவின் குடும்பத்துக்கு ரூ.1 கோடி இழப்பீடு வழங்குவதுடன், அவரது குடும்பத்தில் ஒருவருக்கு அரசு வேலை வழங்க வேண்டும். தமிழகத்தில் தொடரும் ஜாதி ஆணவப் கொலைகளைத் தடுத்து நிறுத்த தனிச்சட்டம் இயற்ற வேண்டும் என்ற கோரிக்கைகளை முன்வைத்து முழக்கங்கள் எழுப்பப்பட்டன.

மாவட்டப் பொருளாளா் பாலசுந்தரம் நன்றி கூறினாா்.