பாளையங்கோட்டை தூய யோவான் கல்லூரியில் சனிக்கிழமை நடைபெற்ற தனியாா் வேலைவாய்ப்பு முகாமில், 529 பேருக்கு பணி நியமன ஆணைகள் வழங்கப்பட்டன.
திருநெல்வேலி மாவட்ட நிா்வாகம், மாவட்ட வேலைவாய்ப்பு மற்றும் தொழில்நெறி வழிகாட்டும் மையம், தமிழ்நாடு மாநில ஊரக மற்றும் நகா்ப்புற வாழ்வாதார இயக்கம் சாா்பில் மாபெரும் தனியாா் துறை வேலைவாய்ப்பு முகாம் பாளையங்கோட்டை தூய யோவான் கல்லூரியில் சனிக்கிழமை நடைபெற்றது.
இதில், 127 வேலையளிக்கும் நிறுவனங்கள் கலந்து கொண்டன. இம்முகாமில் 2,753 வேலைநாடுநா்கள் கலந்து கொண்டனா். பல்வேறு நிறுவனங்கள் 529 வேலைநாடுநா்களை பல்வேறு பணிகளுக்கு தோ்வு செய்தன.
இதில், பேரவைத் தலைவா் மு.அப்பாவு, நகராட்சி நிா்வாகத்துறை அமைச்சா் கே.என்.நேரு ஆகியோா் கலந்து கொண்டு பல்வேறு நிறுவனங்களால் தோ்வு செய்யப்பட்ட 529 பேருக்கு பணி நியமன ஆணைகளை வழங்கினா்.
முன்னதாக, இந்நிகழ்ச்சிக்கு, மாலட்ட ஆட்சியா் இரா. சுகுமாா் தலைமை வகித்தாா். பாளையங்கோட்டை எம்எல்ஏ மு.அப்துல் வஹாப், மாநகராட்சி மேயா் கோ. ராமகிருஷ்ணன், மாநகராட்சி ஆணையா் மோனிகா ராணா, துணை மேயா் கே.ஆா்.ராஜு, மாவட்ட ஊராட்சித் தலைவா் வி.எஸ்.ஆா்.ஜெகதீஷ் உள்ளிட்டோா் முன்னிலை வகித்தனா்.
இந்நிகழ்ச்சியில், மாவட்ட வருவாய் அலுவலா் மா.சுகன்யா, மாவட்ட ஊரக வளா்ச்சி முகமை திட்ட இயக்குநா் சரவணன், வேலைவாய்ப்புத் துறை மண்டல இணை இயக்குநா் கா. சண்முகசுந்தா், உதவி இயக்குநா் மரிய சகாய ஆன்டனி உள்ளிட்ட பலா் கலந்து கொண்டனா்.
