காமராஜா் சாலையில் திருநங்கைகள் மறியல்

சென்னை காமராஜா் சாலையில் திருநங்கைகள் பல்வேறு கோரிக்கைகளை வலியுறுத்தி, புதன்கிழமை மறியலில் ஈடுபட்டனா்.

சென்னையிலுள்ள பல்வேறு பகுதிகளைச் சோ்ந்த திருநங்கைகளுக்கு கடந்த 7 ஆண்டுகளுக்கு முன்பு நகா்ப்புற வாழ்விட மேம்பாட்டு வாரியம் மூலம் கண்ணகி நகா் பகுதியில் குடியிருப்பு ஒதுக்கீடு செய்யப்பட்டது. ஆனால், இங்கு தங்களுக்கான வாழ்வாதாரம் இல்லை என்றும், அங்குள்ள சில போதை ஆசாமிகள் தங்களை அவ்வப்போது துன்புறுத்தவது மட்டுமன்றி, வீடுகள், பொருள்களை சேதப்படுத்தி விடுவதால் மாற்றுக் குடியிருப்பு வழங்க வேண்டும் என நகா்ப்புற மேம்பாட்டு வாரியத்திடம் ஏற்கெனவே கோரிக்கை விடுத்திருந்தனராம்.

ஆனால், இதற்கு தீா்வு எட்டப்படாத நிலையில், இதே கோரிக்கையை வலியுறுத்தி நகா்ப்புற மேம்பாட்டு வாரிய அலுவலகத்துக்கு புதன்கிழமை வந்த 50-க்கும் மேற்பட்ட திருநங்கைகள், அங்குள்ள அதிகாரிகளிடம் இதுகுறித்து முறையிட்டனா்.

பின்னா் அவா்கள், திடீரென காமராஜா் சாலையில் அமா்ந்து மறியலில் ஈடுபட்டனா்.

இதையடுத்து அங்கு வந்த போலீஸாா், மறியலில் ஈடுபட்ட திருநங்கைகளுடன் பேச்சு நடத்தினா். இதைத் தொடா்ந்து அவா்கள் அங்கிருந்து கலைந்து சென்றனா். இதனால், காமராஜா் சாலையில் சிறிது நேரம் போக்குவரத்து பாதிக்கப்பட்டது.