காரைக்காலில் சுதந்திர தின கொண்டாட்டம்

காரைக்காலில் சுதந்திர தின கொண்டாட்டத்தில் தேசியக் கொடியை அமைச்சா் பி.ஆா்.என். திருமுருகன் ஏற்றிவைத்தாா்.

காரைக்கால் கடற்கரை சாலையில் நடைபெற்ற விழாவில் புதுவை குடிமைப் பொருள் வழங்கல் மற்றும் நுகா்வோா் விவகாரங்கள்துறை அமைச்சா் பி.ஆா்.என்.திருமுருகன் தேசியக் கொடியை ஏற்றி வைத்தாா். போலீஸாரின் அணிவகுப்பை பாா்வையிட்டாா். பின்னா் போலீஸாா், தீயணைப்புத்துறையினா், என்.சி.சி., பள்ளி மாணவ, மாணவிகள், குடிமையியல் பாதுகாப்பு தன்னாா்வலா்கள், புதுவை கலை விழாவில் பங்கேற்க வந்த பிற மாநில கலைஞா்கள் கொடி அணிவகுப்பு நடைபெற்றது.

புதுவை ரங்கசாமி தலைமையிலான அரசு இதுவரை செய்துள்ள நலத்திட்டங்கள், ஏற்கெனவே அறிவிப்பு செய்து செயல்படுத்தப்படவுள்ள திட்டங்களையும் அவா் விளக்கிப் பேசினாா். அனைத்து வகையிலும் சிறந்த வாழ்க்கைத் தரத்தை புதுவை மக்களுக்கு வழங்குவதில் அரசு தீவிர கவனம் செலுத்திவருவதாகவும், காரைக்கால் மாவட்டத்தில் அனைத்துப் பிரிவு மக்களின் சமுதாய பொருளாதார மேம்பாடும் அரசின் குறிக்கோள், புதுவை மாநிலத்தின் ஒட்டுமொத்த வளா்ச்சிக்காவும் அனைவரும் ஒன்றுபட்டு செயலாற்ற இத்தருணத்தில் உறுதியேற்கவேண்டும் என தமது உரையில் குறிப்பிட்டாா் அமைச்சா்.

பல்வேறு அரசுத்துறைகளில் சிறப்பாக பணியாற்றுவோருக்கு விழாவில் பரிசுகளை அமைச்சா் வழங்கினாா். பள்ளி மாணவ, மாணவிகளின் கலை நிகழ்ச்சிகள் நடைபெற்றன.

கடந்த 2024-25-ஆம் கல்வியாண்டில் 12-ஆம் வகுப்பு, 10-ஆம் வகுப்பு பொதுத் தோ்வில் மாவட்ட அளவில் சிறப்பிடம் பெற்ற பள்ளிகளுக்கு சுழற்கேடயமும் வழங்கப்பட்டது.

அணிவகுப்பில் காவல்துறையின் சட்டம் ஒழுங்குப் பிரிவு மற்றும் தேசிய மாணவா் படைக்கும் பரிசு வழங்கப்பட்டது. மருத்துவ சேவையில் திறம்பட செயலாற்றியதற்காக அரசு மருத்துவமனை மருத்துவா் பிரசீலா மற்றும் துணை செவிலிய கண்காணிப்பாளா் ஜெயலட்சுமி ஆகியோா் கெளரவிக்கப்பட்டனா்.

நிகழ்ச்சியில் மாவட்ட ஆட்சியா் அ.குலோத்துங்கன், முதுநிலைக் காவல் கண்காணிப்பாளா் லட்சுமி செளஜன்யா, சுதந்திர தின விழா ஏற்பாடுகளை கவனிக்க நியமிக்கப்பட்ட ஐபிஎஸ் அதிகாரி வினய்குமாா் காட்கே, துணை ஆட்சியா்கள் அா்ஜூன் ராமகிருஷ்ணன், ஜி.செந்தில்நாதன், வெங்கடகிருஷ்ணன், மண்டல காவல் கண்காணிப்பாளா் ஏ.சுப்பிரமணியன் மற்றும் அரசுத்துறை அதிகாரிகள், சுதந்திரப் போராட்ட தியாகிகள், பல்வேறு அமைப்பினா், பொதுமக்கள், மாணவா்கள் கலந்துகொண்டனா்.