காரைக்காலில் சுற்றுலா தின விழா நடத்துவது குறித்து ஆலோசனை

காரைக்காலில் சுற்றுலா தின விழா நடத்துவது குறித்து ஆலோசனை நடைபெற்றது.

உலக சுற்றுலா தின விழா ஆண்டுதோறும் புதுவை சுற்றுலாத் துறை, காரைக்கால் மாவட்ட நிா்வாகம் இணைந்து நடத்தி வருகிறது. செப்.27-ஆம் தேதி நடத்தப்படும் விழா குறித்த ஆலோசனைக் கூட்டம் புதுவை குடிமைப் பொருள் வழங்கல் மற்றும் நுகா்வோா் விவகாரங்கள் துறை, கலைப் பண்பாட்டு துறை அமைச்சா் பி.ஆா்.என். திருமுருகன் தலைமையில் ஆட்சியரகத்தில் செவ்வாய்க்கிழமை நடைபெற்றது. மாவட்ட ஆட்சியா் ஏ.எஸ்.பி.எஸ். ரவி பிரகாஷ் முன்னிலை வகித்தாா்.

கூட்டத்தில் அமைச்சா் பேசியது: சுற்றுலாவுக்கு முக்கிய இடமாக திகழும் காரைக்கால் கடற்கரையை மேம்படுத்த வேண்டும். தூய்மைப் பணியாளா்களை கொண்டு தினமும் சுத்தம் செய்யவேண்டும். சுகாதாரமான கடற்கரையாக காட்சியளிக்கத் நடவடிக்கை எடுக்கவேண்டும். காரைக்கால் மாவட்டத்தில் மக்கள் பொழுதுபோக்குக்காக கடற்கரையில் கூடுதல் இடங்களை தோ்வு செய்து மேம்படுத்தவேண்டும். அரசலாறு பகுதியில் தடுப்பணை வரை படகு போக்குவரத்து ஏற்படுத்தவேண்டும் என்றாா்.

மேலும், அரசலாற்றில் மிதக்கும் உணவகம் அமைத்தல், இசை நிகழ்ச்சிகள் நடத்துதல் உள்ளிட்ட பல்வேறு மேம்பாட்டு பணிகள் குறித்து அமைச்சா் ஆலோசனை நடத்தினாா். பொதுமக்கள் கூடும் அனைத்து இடங்களிலும் சுத்தமான குடிநீா் வழங்குதல், கழிப்பறை வசதிகளை ஏற்படுத்துதல், பாதுகாப்பு ஏற்பாடுகளை சிறப்பாக செய்ய வேண்டும் என்றாா்.

கூட்டத்தில் முதுநிலைக் காவல் கண்காணிப்பாளா் லட்சுமி சௌஜன்யா, துணை ஆட்சியா் செந்தில்நாதன் (நிா்வாகம்), காவல் கண்காணிப்பாளா் முருகையன் (வடக்கு), பொதுப்பணித் துறை செயற் பொறியாளா் ஜெ. மகேஷ் (நீா்ப்பாசனம்), சுற்றுலாத் துறை இயக்குநா் முரளிதரன், செய்தி மற்றும் விளம்பரத் துறை உதவி இயக்குநா் குலசேகரன், காரைக்கால் முதன்மை கல்வி அதிகாரி பி. விஜய மோகனா உள்ளிட்டோா் பங்கேற்றனா்.