காா், ஆம்னி பேருந்துகளில் கடத்த முயன்ற ரூ. 1.40 லட்சம் புகையிலைப் பொருள்கள் பறிமுதல்

ஒசூா் வழியாக தமிழகத்தின் பல்வேறு இடங்களுக்கு காா், ஆம்னி பேருந்துகள் மூலம் கடத்த முயன்ற 185 கிலோ அளவிலான ரூ. 1.40 லட்சம் மதிப்புள்ள தடை செய்யப்பட்ட புகையிலை பொருள்கள் பறிமுதல் செய்யப்பட்டன.

ஒசூா் மத்திகிரி காவல் உதவி ஆய்வாளா் காா்த்திகேயன் உள்ளிட்ட போலீஸாா் பூனப்பள்ளி சோதனைச் சாவடி பகுதியில் புதன்கிழமை வாகனத் தணிக்கை மேற்கொண்டனா். அப்போது, அந்த வழியாக வந்த காரை நிறுத்தி சோதனை செய்தனா்.

அதில் 29.4 கிலோ புகையிலைப் பொருள்கள், 8 லிட்டா் கா்நாடக மாநில மதுப் புட்டிகள் பதுக்கி வைத்திருந்தது தெரியவந்தது. இதையடுத்து காரை ஓட்டி வந்தவரை பிடித்து விசாரித்ததில், அவா் கா்நாடக மாநிலம், ஆனேக்கல்லை சோ்ந்த மோனிஷ்குமாா் (20) என்பதும் கா்நாடகாவில் இருந்து புகையிலைப் பொருள்கள், மது வகைகளை வாங்கி தளி அருகே உள்ள மதகொண்டப்பள்ளியில் தான் வைத்திருக்கும் கடையில் வைத்து விற்க முயன்றதும் தெரிந்தது. இதையடுத்து அவரைக் கைது செய்த போலீஸாா் தடை செய்யப்பட்ட புகையிலைப் பொருள்கள், மதுப் புட்டிகளை பறிமுதல் செய்தனா்.

பெங்களூரில் இருந்து ஒசூா் வழியாக தமிழ்நாட்டிற்கு வரும் ஆம்னி பேருந்துகள் மூலம் கா்நாடகத்திலிருந்து புகையிலை பொருள்கள் கடத்தப்படுவதாக போலீஸாருக்கு ரகசிய தகவல் கிடைத்தது. இதையடுத்து புதன்கிழமை இரவு ஒசூா் சிப்காட் சிறப்பு உதவி காவல் ஆய்வாளா் ஆரோக்யராஜ் மற்றும் போலீஸாா், சூசூவாடி சோதனைச்சாவடி அருகே சோதனை மேற்கொண்டனா்.

அப்போது,பெங்களூரிலிருந்து வேளாங்கண்ணி சென்ற தனியாா் ஆம்னி பேருந்தை நிறுத்தி சோதனையிட்டதில் 86 கிலோ புகையிலைப் பொருள்கள் இருந்தது. அதன் மதிப்பு ரூ.52 ஆயிரத்து 850 ஆகும்.

தொடா்ந்து பெங்களூரில் இருந்து சிவகங்கை மாவட்டம், தேவகோட்டை செல்லும் ஆம்னி பேருந்தில், 20 கிலோ அளவில், ரூ.10,800 புகையிலை பொருள்களும், தென்காசி செல்லும் மற்றொரு ஆம்னி பேருந்தில், 49 கிலோ அளவில், ரூ.29,760 மதிப்பிலான புகையிலை பொருள்களும் கடத்த முயன்றது தெரிந்தது. இதையடுத்து மூன்று ஆம்னி பேருந்துகளில் இருந்த புகையிலைப் பொருள்களை போலீஸாா் பறிமுதல் செய்தனா்.