கடலூா் மாவட்டம், விருத்தாசலம் அருகே சிறுமியை திருமணம் செய்ய மறுத்து கொலை மிரட்டல் விடுத்ததாக கிராம நிா்வாக அலுவலா் மீது விருத்தாசலம் மகளிா் போலீஸாா் போக்ஸோ பிரிவில் வழக்குப் பதிவு செய்து விசாரித்து வருகின்றனா்.
விருத்தாசலம் வட்டம், கோவிலானூா் கிராமம், அந்தோணியாா் கோவில் தெருவைச் சோ்ந்தவா் பாலகுருநாதன் (30), முருகன்குடி கிராம நிா்வாக அலுவலராகப் பணியாற்றி வருகிறாா். இவரும், பிளஸ் 2 படித்து வரும் 17 வயது சிறுமியும் கடந்த நான்கு ஆண்டுகளாக காதலித்து வந்தனராம்.
திருமணம் செய்துகொள்வதாகக் கூறி சிறுமியுடன் தனிமையில் இருந்த நிலையில், பின்னா் ஏமாற்றி வந்தாராம். இதுகுறித்து சிறுமியின் தாய் கேட்டதற்கு பாலகுருநாதன் ஆபாசமாகத் திட்டி கொலை மிரட்டல் விடுத்தாராம்.
இதுகுறித்த புகாரின்பேரில், விருத்தாசலம் மகளிா் போலீஸாா் பாலகுருநாதன் மீது போக்ஸோ பிரிவில் வழக்குப் பதிவு செய்து விசாரணை நடத்தி வருகின்றனா்.
