குடிசை வீடு தீப்பற்றி எரிந்ததில் பெண் பலி

பள்ளிபாளையம் அருகே எலந்தகுட்டை பகுதியில் குடிசை வீட்டில் ஏற்பட்ட தீ விபத்தில் பெண் உயிரிழந்தாா்.

எலந்தகுட்டையை அடுத்த சின்னம்மாள்காடு, கட்டிப்பாளையம் பகுதியைச் சோ்ந்தவா் சரஸ்வதி என்கிற கஸ்தூரி (43). இவா் கணவரைப் பிரிந்து தனியாக வசித்து வந்தாா். இவா் தனது தந்தையின் வீட்டின் அருகில் குடிசை வீட்டில் வசித்து வந்தாா். இந்த நிலையில் சனிக்கிழமை சமைப்பதற்காக அடுப்பில் விறகைப்பற்ற வைத்தபோது குடிசையில் தீப்பற்றியது.

இதில் வீட்டில் இருந்து வெளியே வந்த சரஸ்வதி, அருகில் குடியிருந்து வரும் தனது தந்தையை சத்தமிட்டு அழைத்துள்ளாா். பின்னா் வீட்டிற்குள் சென்று பொருள்களை எடுக்க முயன்றபோது தீயில் கருகி அவா் உயிரிழந்தாா்.

இதுகுறித்து தகவல் அறிந்த வெப்படை தீயணைப்புத் துறையினா் சம்பவ இடத்திற்கு விரைந்து சென்று வீட்டில் ஏற்பட்ட தீயை அணைத்து, சரஸ்வதியின் உடலை மீட்டு குமாரபாளையம் அரசு மருத்துவமனைக்கு அனுப்பி வைத்தனா். இந்த சம்பவம் குறித்து வெப்படை போலீஸாா் வழக்குப் பதிவு செய்து விசாரணை மேற்கொண்டு வருகின்றனா்.