குபேரா பட விழாவில் சிரஞ்சீவி கொடுத்த இன்ப அதிர்ச்சி! தனுஷ் நெகிழ்ச்சி

சேகர் கம்முலா இயக்கத்தில் தனுஷ், நாகார்ஜுனா கூட்டணியில் உருவாகியுள்ள குபேரா திரைப்படத்தின் வெற்றி விழாவில் தனுஷைக் கட்டியணைத்து அன்பைப் பொழிந்தார் நடிகர் சிரஞ்சீவி.

குபேரா திரைப்படம் உலகம் முழுவதும் ஜூன் 20 அன்று வெளியானது. இந்தநிலையில், படம் வெளியாகி 3 நாள்களைக் கடந்துவிட்ட நிலையில், குபேரா வெற்றிவிழாவுக்கு ஞாயிற்றுக்கிழமை(ஜூன் 22) ஹதராபாத்தில் ஏற்பாடு செய்யப்பட்டது.

இவ்விழா மேடையில் பேசிய சிரஞ்சீவி, குபேராவில் தேவா கதாபாத்திரத்தை தனுஷைத் தவிர வேறு எவராலும் இவ்வளவு வெற்றிகரமாகச் செய்து காட்டியிருக்க முடியாதெனப் பேசினார். அதேபோல, நாகார்ஜுனாவையும் இயக்குநர் சேகர் கம்முலாவையும் சிரஞ்சீவி வெகுவாகப் பாராட்டினார்.

இவ்விழாவில் சிரஞ்சீவி தனுஷை இறுக்கி அணைத்து கட்டிபிடித்துப் பாராட்டியதில் தனுஷ் நெகிழ்ச்சியடைந்தார்.