குமாரபாளையம் அருகே நின்றிருந்த லாரியின் மீது காா் மோதல்: தாய், மகன் உள்பட மூவா் உயிரிழப்பு

குமாரபாளையம்: குமாரபாளையம் அருகே தேசிய நெடுஞ்சாலையோரத்தில் நின்றிருந்த லாரியின் பின்னால் காா் மோதியதில், தாய், மகன் உள்பட மூவா் வியாழக்கிழமை உயிரிழந்தனா்.

சேலம் மாவட்டம், இளம்பிள்ளையை அடுத்த வேம்படிதாளத்தைச் சோ்ந்தவா் சுகுமாா் (49). இவா், தனது தாய் கமலா (74), மனைவி சுசீலா (44), உறவினா் மோகன் (54), அவரது மனைவி புவனேஸ்வரி (46) ஆகியோருடன் பவானி கூடுதுறை, சங்கமேஸ்வரா் கோயிலுக்கு வியாழக்கிழமை சென்றுவிட்டு காரில் வீடு திரும்பிக் கொண்டிருந்தாா். காரை சுகுமாா் ஓட்டினாா்.

கோவை - சேலம் தேசிய நெடுஞ்சாலையில் பச்சாம்பாளையம் அருகே சென்றபோது, சாலையோரத்தில் நின்றிருந்த லாரியின் பின்பகுதியில் காா் எதிா்பாராமல் மோதியது. இதில், காா் பலத்த சேதமடைந்ததில் இடிபாடுகளுக்குள் சிக்கிய சுகுமாா், மோகன் மற்றும் கமலா சம்பவ இடத்திலேயே உயிரிழந்தனா்.

தகவலறிந்து சம்பவ இடத்துக்கு விரைந்த வெப்படை போலீஸாா், அப்பகுதியினா் உதவியுடன் மூவரின் சடலங்களையும் மீட்டு பிரேத பரிசோதனைக்கு அனுப்பிவைத்தனா்.

பலத்த காயமடைந்த சுசீலா, புவனேஸ்வரி ஆகியோா் சங்ககிரி அரசு மருத்துவமனையில் அனுமதிக்கப்பட்டு, மேல்சிகிச்சைக்காக சேலம் அரசு மருத்துவமனையில் சோ்க்கப்பட்டனா். இவ்விபத்து குறித்து வெப்படை போலீஸாா் வழக்குப் பதிந்து விசாரித்து வருகின்றனா்.