குளித்தலை மகா மாரியம்மன் கோயிலில் செவ்வாய்க்கிழமை நடைபெற்ற சித்திரைத் தேரோட்டத்தில் திரளான பக்தா்கள் பங்கேற்றனா்.
கரூா் மாவட்டம், குளித்தலையில் மகாமாரியம்மன் கோயில் சித்திரைத் தேரோட்டம் 5 ஆண்டுகளுக்கு பிறகு செவ்வாய்க்கிழமை காலை நடைபெற்றது.
முன்னதாக, இக்கோயில் திருவிழா கடந்த 5-ஆம் தேதி கோயில் முன் கம்பம் நடுதலுடன் தொடங்கியது. தொடா்ந்து பக்தா்கள் காவிரி ஆற்றில் நீராடி புனிதநீா் அடங்கிய குடங்களுடன் கோயிலுக்கு வந்து கம்பத்துக்கு புனிதநீா் ஊற்றி வழிபட்டனா். மேலும் தீா்த்தகாவடி, அக்கினிச்சட்டி ஏந்தி வந்தும் பக்தா்கள் தங்களது நோ்த்திக்கடனை செலுத்தி வந்தனா்.
விழாவின் முக்கிய நிகழ்வுகளில் ஒன்றான தேரோட்டம் செவ்வாய்க்கிழமை காலை நடைபெற்றது. முன்னதாக, மகா மாரியம்மனுக்கு சிறப்பு அபிஷேக, ஆராதனை நடைபெற்றது. பின்னா் சிறப்பு அலங்காரத்தில் மகா மாரியம்மன் தேரில் எழுந்தருளினாா். இதையடுத்து தேரோட்டம் நடைபெற்றது. தோ் முக்கிய வீதிகள் வழியாகச் சென்று மீண்டும் நிலையை அடைந்தது. தொடா்ந்து கோயில் முன் அமைக்கப்பட்டிருந்த தீக்குண்டத்தில் பக்தா்கள் இறங்கி தங்களது நோ்த்திக்கடனை செலுத்தினா். விழாவில் திரளான பக்தா்கள் பங்கேற்றனா்.
