புதுச்சேரி: கொலை வழக்கில் இளைஞருக்கு 5 ஆண்டுகள் சிறைத் தண்டனை விதித்து புதுச்சேரி நீதிமன்றம் திங்கள்கிழமை தீா்ப்பளித்தது.
புதுச்சேரி வில்லியனூா் பீமாராவ் நகரைச் சோ்ந்தவா் தமிழ் (எ) இளவரசன். எம்.பி.ஏ. பட்டதாரி. முன்விரோதம் காரணமாக கடந்த 2018-ஆம் ஆண்டு இவரை, ஒரு கும்பல் கணுவாய்ப்பேட்டையில் கொலை செய்தது.
இதுகுறித்து வில்லியனூா் போலீஸாா் விசாரணை நடத்தி 5 போ் மீது வழக்குப் பதிவு செய்தனா். இதில், அய்யனாா் உள்ளிட்ட 4 போ் கைது செய்யப்பட்டனா். கொலையாளிகளுக்கு தங்க இடமளித்து உதவியதாக, கரிக்கலாம்பாக்கத்தைச் சோ்ந்த அருண்பாண்டியன் (28) என்பவரை போலீஸாா் தேடி வந்தனா்.
இந்நிலையில், அய்யனாா் உள்ளிட்ட 4 போ் மீதான வழக்கு விசாரணை புதுச்சேரி 2-ஆவது கூடுதல் அமா்வு நீதிமன்றத்தில் நடைபெற்றது. கடந்த 2024 அக்டோபரில் விசாரணை நிறைவடைந்து குற்றஞ்சாட்டப்பட்ட அய்யனாா் உள்ளிட்ட 4 பேருக்கு ஆயுள் சிறைத் தண்டனை விதிக்கப்பட்டது.
இந்த நிலையில், தலைமறைவான அருண்பாண்டியனை போலீஸாா் கைது செய்தனா். அவா் மீதான வழக்கு விசாரணை தனியாக புதுச்சேரி 2-ஆவது கூடுதல் அமா்வு நீதிமன்றத்தில் நடைபெற்றது. விசாரணை முடிந்த நிலையில் அருண்பாண்டியனுக்கு 5 ஆண்டுகள் சிறைத் தண்டனை மற்றும் ரூ.10 ஆயிரம் அபராதமும், கட்டத் தவறினால் மேலும் 6 மாதச் சிறைத் தண்டனையும் அனுபவிக்க நீதிபதி கே.மோகன் திங்கள்கிழமை உத்தரவிட்டாா்.
இந்த வழக்கில் அரசுத் தரப்பில் வழக்குரைஞா் சிவகுமாா் ஆஜரானாா்.
