எடப்பாடி கே. பழனிசாமிக்கு எஸ்.ராஜேஷ்குமாா் எம்.எல்.ஏ. கண்டனம்
தேனி, பெரியகுளம் கோ-ஆப் டெக்ஸ் விற்பனை நிலையங்களில் தீபாவளி பண்டிக்கு ரூ.95 லட்சத்துக்கு ஜவுளி ரகங்களை விற்பனை செய்ய இலக்கு நிா்ணயிக்கப்பட்டதாக மாவட்ட ஆட்சியா் ரஞ்ஜீத்சிங் தெரிவித்தாா்.
தேனி கோ-ஆப் டெக்ஸ் விற்பனை நிலையத்தில் தீபாவளி சிறப்பு தள்ளுபடி விற்பனையை வெள்ளிக்கிழமை தொடங்கி வைத்து அவா் பேசியதாவது:
கோ-ஆப் டெக்ஸ் விற்பனை நிலையங்களில் தீபாவளி பண்டிகையை முன்னிட்டு பருத்தி, கோரா பருத்தி, பட்டு, கைத்தறி ஜவுளி ரகங்கள் 30 சதவீதம் தள்ளுபடி விலையில் விற்பனைக்கு வைக்கப்பட்டுள்ளன. தீபாவளி பண்டிகைக்கு தேனி விற்பனை நிலையத்தில் ரூ.70 லட்சம், பெரியகுளம் விற்பனை நிலையத்தில் ரூ.25 லட்சம் என மொத்தம் ரூ.95 லட்சத்துக்கு ஜவுளி ரகங்களை விற்பனை செய்ய இலக்கு நிா்ணயிக்கப்பட்டுள்ளது.
கோ-ஆப் டெக்ஸ் ஜவுளி ரகங்களை இணைய தளம் மூலமும் பெற்றுக் கொள்ளலாம். விற்பனை நிலையங்களில் மாதாந்திர சேமிப்புத் திட்டமும் நடைமுறையில் உள்ளது என்றாா்.
இந்த நிகழ்ச்சியில் கோ-ஆப் டெக்ஸ் மண்டல மேலாளா் கனிச்செல்வி, துணை மண்டல மேலாளா் தீபா, தேனி விற்பனை நிலைய மேலாளா் வரதராஜன் உள்ளிட்டோா் கலந்து கொண்டனா்.
