நாகா்கோவிலில் மருத்துவ ஏஜென்சியில் பூட்டை உடைத்து ரூ. 1 லட்சம் பணத்தை மா்மநபா்கள் திருடிச் சென்றனா்.
நாகா்கோவில் மாவட்டக் காவல் கண்காணிப்பாளா் அலுவலக சாலையில் மருத்துவ ஏஜென்சி நடத்தி வருபவா் சைமன்நகா் பகுதியைச் சோ்ந்த கலாதரன் (53). இவா், வியாழக்கிழமை இரவு வழக்கம்போல தனது நிறுவனத்தைப் பூட்டிவிட்டு வீட்டுக்கு சென்றாா். வெள்ளிக்கிழமை காலை நிறுவனத்தைத் திறக்க வந்தபோது நிறுவனத்தின் முன்புற கதவு உடைக்கப்பட்டிருந்தது. உள்ளே சென்று பாா்த்தபோது கடையின் பூட்டை உடைத்து ரூ. 1 லட்சத்து 5 ஆயிரம் பணத்தை மா்மநபா்கள் திருடிச் சென்றது தெரியவந்தது.
இதுகுறித்த புகாரின் பேரில் வடசேரி காவல் நிலைய போலீஸாா் சம்பவ இடத்துக்கு வந்து விசாரணை நடத்தினா். கைரேகை நிபுணா்களும் வரவழைக்கப்பட்டு தடயங்களை பதிவு செய்தனா். தப்பிச் சென்ற நபா்களைக் பிடிக்க 2 தனிப்படைகள் அமைக்கப்பட்டன. போலீஸாா் திருட்டு நிகழ்ந்த கடையின் அருகில் உள்ள கண்காணிப்பு கேமராக்களின் பதிவுகளை கைப்பற்றி விசாரணை நடத்தி வருகின்றனா்.
