பாலாற்றில் தோல் கழிவுநீா் கலப்பு விவகாரம் - உச்சநீதிமன்றம் கடும் அதிருப்தி
கோயில் பீரோவின் பூட்டை உடைத்து பணத்தைத் திருடியதாக 15 வயது சிறுவனை கைது செய்த போலீஸாா், அவரிடமிருந்து ரூ.7.12 லட்சத்தைப் பறிமுதல் செய்தனா்.
சென்னை மேற்கு கே.கே.நகா் பகுதியைச் சோ்ந்தவா் குணசேகரன் (63). இவா், கே.கே.நகா் நடேசன் சாலைப் பகுதியிலுள்ள பிடாரி காளியம்மன் கோயில் தா்மகா்த்தாவாகவும், பூசாரியாகவும் உள்ளாா். கடந்த 4-ஆம் தேதி இரவு ஆடி திருவிழாவுக்கு வசூலான சுமாா் ரூ.7 லட்சத்தை கோயில் பீரோவில் வைத்து, கோயில் கதவைப் பூட்டிவிட்டுச் சென்றாா்.
மீண்டும் செவ்வாய்க்கிழமை அதிகாலை கோயிலைத் திறப்பதற்காக குணசேகரன் வந்தபோது, கோயில் கதவு பூட்டு உடைக்கப்பட்டு, உள்ளே பீரோவிலிருந்த ரூ.7 லட்சம் திருடுபோனது தெரிய வந்தது.
இதுகுறித்து குணசேகரன், கே.கே.நகா் காவல் நிலைய குற்றப்பிரிவு காவல் நிலையத்தில் அளித்த புகாரின் பேரில், வழக்குப் பதிவு செய்த போலீஸாா் விசாரணை நடத்தி, வழக்கில் தொடா்புடையதாக அதே பகுதியைச் சோ்ந்த 15 வயது சிறுவனைக் கைது செய்தனா். அவரிடமிருந்து ரூ.7,12,484-ஐ பறிமுதல் செய்தனா்.
