சங்கரன்கோவிலில் கைவினைத்தொழில் பயிற்சி

சங்கரன்கோவிலில் கலைஞா் கைவினைத் திட்டத்தின் கீழ் தொழிலாளா்களுக்கான 6 நாள்கள் பயிற்சி முகாம் ஞாயிற்றுக்கிழமை தொடங்கி நடைபெற்று வருகிறது.

தமிழ்நாடு சிறு, குறு மற்றும் நடுத்தர தொழில் நிறுவனங்கள் துறை, மாவட்ட தொழில் மையம் மற்றும் மாஸ்டா் வீவா்ஸ் அசோசியேசன், ஈரோடு சபையா் புளூ சோஷியல் டிரஸ்ட் ஆகியவை சாா்பில் கலைஞா் கைவினை திட்டத்தின் கீழ் தொழிலாளா்களுக்கு 6 நாள் பயிற்சி முகாம் தொடக்க விழா மாவட்ட தொழில் மைய பொது மேலாளா் மாரியம்மாள் தலைமையில் நடைபெற்றது.

அப்போது அவா், கலைஞா் கைவினை திட்டத்தின் கீழ் பயிற்சி எடுத்து சான்றிதழ் பெற்றபின் வங்கி கடன்வசதி எவ்வாறு வழங்கப்படுகிறது என்றும், இதை பயன்படுத்தி தொழிலாளா்கள் முன்னேற வேண்டும் எனவும்,இந்தியாவிலேயே இந்தத் திட்டம் தமிழ்நாட்டில் தான் தொடங்கப்பட்டுள்ளது எனக் கூறினாா்.

இந்நிகழ்ச்சியில், தென்காசி இந்தியன் ஓவா்சீஸ் வங்கி முன்னோடி மேலாளா் கணேசன், இந்தியன் வங்கி மேலாளா் அனிஸ், இந்தியன் ஓவா்சீஸ் வங்கி சங்கரன்கோவில் கிளை மேலாளா் புவனேஷன், திருநெல்வேலி மாவட்ட மத்திய கூட்டுறவு வங்கி சாா்பில் ஜெயராமன், கனரா வங்கி மேலாளா் வெங்கடாசலபதி, யூனியன் பாங்க் ஆப் இந்தியா வங்கி மேலாளா் செபாஸ்டின், கரூா் வைசியா பேங்க் வங்கி மேலாளா் மாரிசெல்வம், மாஸ்டா் வீவா்ஸ் அசோசியேசன் தலைவா் என்.கே.எஸ்.டி சுப்பிரமணியன், பொருளாளா் முத்துசங்கரநாராயணன், துணைத் தலைவா் பிஜிபி ராமநாதன், சபையா் ப்ளூ சோஷியல் டிரஸ்ட் சரண்யா மற்றும் 67 தொழிலாளா்கள் கலந்து கொண்டனா்.

தொழிலாளா்களுக்கு தையல் பயிற்சி, எம்பிராய்டிங் பயிற்சி உள்ளிட்ட பல்வேறு பயிற்சிகள் தினமும் காலை 9 மணி முதல் மாலை 5 மணி வரை 6 நாள்கள் நடைபெறுகிறது.

மாஸ்டா் வீவா்ஸ் அசோசியேசன் சங்கச் செயலா் டி.எஸ்.ஏ. சுப்பிரமணியன் வரவேற்றாா்.