சாலை விபத்தில் தொழிலாளி பலத்த காயம்

விருதுநகா் மாவட்டம், திருத்தங்கலில் திங்கள்கிழமை சாலையில் திரிந்த மாட்டின் மீது மோதாமல் இருக்க இரு சக்கர வாகனத்தை உடனே நிறுத்த முயன்ற ஆலைத் தொழிலாளிகீழே விழுந்து பலத்த காயமடைந்தாா்.

திருத்தங்கல் பாண்டியன்நகா் பகுதியைச் சோ்ந்த ஆலைத் தொழிலாளி சங்கரன் (46). இவா் தனது இரு சக்கர வாகனத்தில் திருத்தங்கல்- செங்கமலநாட்சியாா்புரம் சாலையில் சென்று கொண்டிருந்தாா்.

அப்போது, சாலையில் சுற்றித் திரிந்த மாட்டின் மீது மோதாமல் இருக்க சங்கரன் பிரேக் பிடித்து வாகனத்தை நிறுத்த முயன்ற போது அவா் தூக்கி வீசப்பட்டு பலத்த காயமடைந்தாா்.

இதையடுத்து அவா் சிவகாசி அரசு மருத்துவமனையில் சோ்க்கப்பட்டாா். இதுகுறித்து திருத்தங்கல் போலீஸாா் வழக்குப் பதிந்து விசாரிக்கின்றனா்.