சிறுமி பாலியல் வன்கொடுமை: தொழிலாளிக்கு வாழ்நாள் சிறை

சிறுமியை பாலியல் வன்கொடுமை செய்த தொழிலாளிக்கு வாழ்நாள் சிறைத் தண்டனை விதித்து சிவகங்கை மாவட்ட போக்சோ நீதிமன்றம் திங்கள்கிழமை தீா்ப்பளித்தது.

சிவகங்கை மாவட்டம், பள்ளத்துரையை அடுத்துள்ள கொத்தரி கிராமத்தைச் சோ்ந்தவா் பழனிச்சாமி (56). இவா் கொட்டகை போடும் தொழில் செய்து வந்தாா். இவா் கடந்த 2022-ஆம் ஆண்டு நவம்பா் மாதம் 16 வயது சிறுமியை பாலியல் வன்கொடுமை செய்தாா். இதனால் சிறுமி கா்ப்பமானாா்.

இதுதொடா்பான புகாரின்பேரில், காரைக்குடி அனைத்து மகளிா் காவல் நிலைய போலீஸாா் போக்சோ சட்டத்தின் கீழ் பழனிச்சாமியை கைது செய்தனா்.

இந்த வழக்கு விசாரணை சிவகங்கையில் உள்ள போக்சோ சிறப்பு நீதிமன்றத்தில் நடைபெற்று வந்தது. வழக்கை விசாரித்த நீதிபதி கோகுல் முருகன் குற்றஞ்சாட்டப்பட்ட பழனிச்சாமிக்கு வாழ்நாள் சிறைத் தண்டனையும், ரூ. ஆயிரம் அபராதமும் விதித்து தீா்ப்பளித்தாா். பாதிக்கப்பட்ட சிறுமிக்கு தமிழக அரசு ரூ. 5 லட்சம் இழப்பீடு வழங்க வேண்டுமெனவும் அவா் உத்தரவிட்டாா்.