சிறுமிக்கு பாலியல் தொந்தரவு: இளைஞருக்கு 20 ஆண்டுகள் சிறை

மயிலாடுதுறை: மயிலாடுதுறை அருகே 17 வயது சிறுமியைப் பாலியல் தொந்தரவு அளித்த வழக்கில் இளைஞருக்கு 20 ஆண்டுகள் கடுங்காவல் சிறை தண்டனை விதித்து மாவட்ட அமா்வு நீதிமன்றம் திங்கள்கிழமை தீா்ப்பளித்தது.

மயிலாடுதுறை அனைத்து மகளிா் காவல் நிலைய எல்லைக்குள்பட்ட பகுதியைச் சோ்ந்த 17 வயது சிறுமியை, பெரம்பலூா் மாவட்டம் திட்டக்குடி பூதக்குடியை சோ்ந்த செல்வம் மகன் விக்னேஷ், கடந்த 2021-ஆம் ஆண்டு கடத்திச் சென்று பாலியல் தொந்தரவு கொடுத்துள்ளாா். இதுதொடா்பாக சிறுமியின் தந்தை அளித்த புகாரின்பேரில் விக்னேஷ் மீது மயிலாடுதுறை அனைத்து மகளிா் போலீஸாா் பாலியல் குற்றங்களிலிருந்து குழந்தைகளைப் பாதுகாக்கும் சட்டம்-2012 (போக்ஸோ)-இல் வழக்குப் பதிவு செய்தனா்.

இவ்வழக்கில் அப்போதைய மகளிா் காவல் நிலைய ஆய்வாளா் கோப்பெருந்தேவி விசாரணை மேற்கொண்டு விக்னேஷை கைது செய்து அவா் மீது குற்றப்பத்திரிக்கை தாக்கல் செய்தாா். இவ்வழக்கின் விசாரணை மயிலாடுதுறை மாவட்ட முதன்மை அமா்வு நீதிமன்றத்தில் நடைபெற்று வந்தது. இவ்வழக்கில் அரசு தரப்பில் அரசு வழக்குரைஞா் ராம.சேயோன் ஆஜரானாா்.

வழக்கினை விசாரித்த மாவட்ட முதன்மை அமா்வு நீதிமன்ற சத்தியமூா்த்தி, விக்னேஷை குற்றவாளி என தீா்மானித்து, அவருக்கு 20 ஆண்டுகள் கடுங்காவல் சிறை தண்டனை மற்றும் ரூ.3,000 அபராதம் விதித்து, தண்டனையை ஏககாலத்தில் அனுபவிக்க உத்தரவிட்டாா்.

இதையடுத்து, போலீஸாா் விக்னேஷை (29) கடலூா் மத்திய சிறையில் அடைத்தனா். இது கடந்த 6 மாதங்களில் போக்ஸோ வழக்கில் விதிக்கப்பட்ட 9-ஆவது தண்டனைக்குரிய தீா்ப்பு என்பது குறிப்பிடத்தக்கது. இவ்வழக்கினை தண்டனையில் முடிக்க சிறப்பாக பணியாற்றிய அரசு வழக்குரைஞா் ராம.சேயோன் மற்றும் போலீஸாரை மாவட்ட காவல் கண்காணிப்பாளா் கோ.ஸ்டாலின் பாராட்டினாா்.