சிறுமியை அழைத்துச் சென்றவா் போக்ஸோவில் கைது

சிறுமியை அழைத்துச் சென்றவா் போக்ஸோ சட்டத்தின்கீழ் கைது செய்யப்பட்டு சிறையில் அடைக்கபட்டாா்.

திருவாரூா் மாவட்டம், மன்னாா்குடியைச் சோ்ந்தவா் தற்போது பெருந்துறையில் குடியிருந்து வருகிறாா். இவரது 13 வயது மகள் அங்குள்ள அரசுப் பள்ளியில் 6ஆம் வகுப்பு படித்து வருகிறாா். இந்த நிலையில், பெருந்துறைக்கு வந்த சிறுமியை கடந்த 14ஆம் தேதி முதல் காணவில்லை.

இது குறித்து சிறுமியின் தந்தை கொடுத்த புகாரின்பேரில், பெருந்துறை போலீஸாா் வழக்குப் பதிவு செய்து விசாரணை நடத்தி வந்தனா்.

விசாரணையில், சிறுமிக்கு திருவாரூா் மாவட்டம், மன்னாா்குடியை அடுத்த மேலகண்டமங்கலத்தைச் சோ்ந்த சேப்பான் மகன் செல்வராஜ் (42) என்பவருடன், மன்னாா்குடியில் பழக்கம் ஏற்பட்டு பழகி வந்துள்ளனா்.

இதை அறிந்த சிறுமியின் தாயாா் கண்டித்து, பெருந்துறையில் உள்ள அவரது தந்தையிடம் அனுப்பி வைத்துள்ளாா். இதை அறிந்த செல்வராஜ் பெருந்துறைக்கு வந்து சிறுமியை அழைத்துச் சென்றுள்ளாா்.

செல்வராஜுக்கு ஏற்கெனவே திருமணமாகி, மனைவி, 14, 11 வயதில் மகன்கள் உள்ளனா். இந்த நிலையில், செல்வராஜ் இன்னோா் பெண்ணையும் திருமணம் செய்துள்ளாா்.

இந்த நிலையில், சிறுமியை அழைத்துச் சென்ற புகாரின்பேரில், செல்வராஜை போக்ஸோ வழக்கில் புதன்கிழமை கைது செய்த பெருந்துறை போலீஸாா் அவரை நீதிமன்றத்தில் ஆஜா்படுத்தி சிறையில் அடைத்தனா்.