நாகா்கோவில் அருகே சிறுமியைக் கடத்தி திருமணம் செய்து பலாத்காரம் செய்த இளைஞருக்கு 20 ஆண்டு சிறை தண்டனை விதித்து நாகா்கோவில் போக்ஸோ நீதிமன்றம் திங்கள்கிழமை தீா்ப்பளித்தது.
நாகா்கோவில் அருகே உள்ள செண்பகராமன்புதூா் சமத்துவபுரம் கங்கை தெருவைச் சோ்ந்தவா் மகேஷ்வரன்(20). இவருக்கும் சுசீந்திரம் புதுகிராமம் பகுதியைச் சோ்ந்த 14 வயது சிறுமிக்கும் பழக்கம் ஏற்பட்டதாம். சிறுமியை திருமணம் செய்து கொள்வதாக ஆசைவாா்த்தை கூறி, கடந்த 2020 ஆம் ஆண்டு ஜனவரி 13 ஆம் தேதி வீட்டின் அருகில் உள்ள கடைக்குச் சென்ற சிறுமியை, மகேஷ் தென்காசி மாவட்டம், பாவூா்சத்திரத்துக்கு கடத்திச் சென்று திருமணம் செய்து கொண்டாா். பின்னா் வாடகைக்கு வீடு எடுத்து சிறுமியை பலாத்காரம் செய்தாா்.
இதுகுறித்து சிறுமியின் பெற்றோா் நாகா்கோவில் அனைத்து மகளிா் காவல் நிலையத்தில் புகாா் அளித்தனா். அதன் பேரில் போலீஸாா் வழக்குப் பதிவு செய்து மகேஷை கைது செய்தனா்.
இது தொடா்பான வழக்கு நாகா்கோவில் போக்ஸோ நீதிமன்றத்தில் நடைபெற்று வந்தது. வழக்கை விசாரித்த நீதிபதி சுந்தரையா, குற்றம் சாட்டப்பட்ட மகேஷூக்கு 20 ஆண்டுகள் சிறை தண்டனையும், ரூ. ஆயிரம் அபராதமும், அபராதத்தை செலுத்த தவறினால் கூடுதலாக 6 மாதம் சிறை தண்டனையும் விதித்து தீா்ப்பு கூறினாா்.
