சிவகங்கை மாவட்டம்: பிளஸ் 1 தோ்வில் 94.79 % மாணவ, மாணவிகள் தோ்ச்சி!

பிளஸ் 1 அரசு பொதுத்தோ்வில் சிவகங்கை மாவட்டத்தில் 94.79 சதவீத மாணவ, மாணவிகள் தோ்ச்சி பெற்றனா்.

இதுகுறித்து மாவட்ட கல்வித் துறை தெரிவித்த தகவல்: சிவகங்கை மாவட்டத்தில் நிகழாண்டில் பிளஸ் 1 அரசு பொதுத் தோ்வை மொத்தம் 163 பள்ளிகளைச் சோ்ந்த 7,488 மாணவா்கள், 8,861மாணவிகள் உள்பட 16,349 போ் எழுதினா். இதில் 6,928 மாணவா்கள் தோ்ச்சி பெற்றனா். தோ்ச்சி 92.52 சதவீதமாகும்.

மாணவிகள் 8,570போ் தோ்ச்சி பெற்றனா். தோ்ச்சி 96.72 சதவீதமாகும். ஒட்டு மொத்தமாக 15,498 போ் தோ்ச்சி பெற்றனா். மொத்தமாக 94.79 சதவீதம் போ் தோ்ச்சி பெற்றனா்.

நிகழாண்டில் பிளஸ் 1 தோ்ச்சி சதவீதத்தில் சிவகங்கை மாவட்டம் மாநில அளவில் 7 -ஆவது இடம் பிடித்தது. 2024 -ஆம் ஆண்டு 7-ஆவது இடம், 2023 -ஆம் ஆண்டில் 9-ஆவது இடமும், 2022 -ஆம் ஆண்டில் 8 -ஆவது இடமும் பிடித்திருந்தது.

மாவட்டத்தில் 69 அரசுப் பள்ளிகளை சோ்ந்த 2,544 மாணவா்கள், 3,823 மாணவிகள் உள்பட மொத்தம் 6,367 போ் பிளஸ் 1 தோ்வெழுதினா். இவா்களில், 2,237 மாணவா்கள், 3, 619 மாணவிகள் உள்பட மொத்தம் 5, 856 போ் தோ்ச்சி பெற்றனா். அரசுப் பள்ளிகளில் 91.97 சதவீதம் போ் தோ்ச்சி பெற்று மாநில அளவில் 5 -ஆவது இடத்தை சிவகங்கை மாவட்டம் பெற்றுள்ளது.

இது குறித்து கல்வியாளா்கள் கூறியதாவது: சிவகங்கை மாவட்டம் நிகழாண்டு பிளஸ் 2 தோ்வில் 96.71 % தோ்ச்சி பெற்று மாநில அளவில் 6 -ஆம் இடம் பிடித்தது. 10 -ஆம் வகுப்பு அரசு பொதுத்தோ்வில் 98.31 சதவீதம் போ் தோ்ச்சி பெற்று மாநில அளவில் முதலிடம் பிடித்து சாதனை படைத்தது.

தொடா்ந்து கடந்த சில ஆண்டுகளாக அரசு பொதுத் தோ்வுகளில் சிவகங்கை மாவட்டம் மாநில அளவில் முதல் 10 இடங்களுக்குள் வருவது பெருமைக்குரியது என்றனா் அவா்கள்.