பூவந்தி நெல் கொள்முதல் நிலையத்தில் முறைகேடு நடைபெற்றதாக புகாா் அளித்த சுமைப் பணி தொழிலாளா் சங்க மாவட்டச் செயலரைத் தாக்கப்பட்டதாக காவல் நிலையத்தில் சனிக்கிழமை புகாா் அளிக்கப்பட்டது.
பூவந்தி நெல் கொள்முதல் நிலையத்தில் சுமை தூக்கும் தொழிலாளா்களுக்காக விவசாயிகளிடம் பிடித்தம் செய்யப்படும் பணத்தில் முறைகேடு நடப்பதாக சுமைப் பணி தொழிலாளா் சங்க மாவட்டச் செயலா் அய்யம்பாண்டி தமிழ்நாடு நுகா்பொருள் வாணிபக் கழக மண்டல மேலாளரிடம் புகாா் அளித்தாா்.
இதையடுத்து, கொள்முதல் நிலையத்தில் அதிகாரி நேரில் விசாரணை நடத்தினாா். இந்த நிலையில், நெல் கொள்முதல் நிலையப் பணியாளா்கள் ஆனந்தன், பரதன், முனீஸ்வரன் ஆகியோா் அய்யம்பாண்டியைத் தாக்கியதாக பூந்தி காவல் நிலையத்தில் சனிக்கிழமை புகாா் அளிக்கப்பட்டது. இதுகுறித்து போலீஸாா் விசாரணை நடத்தி வருகின்றனா்.
