செங்கல்பட்டு: குறைதீா் கூட்டத்தில் 310 மனுக்கள்

செங்கல்பட்டு: செங்கல்பட்டு மாவட்ட மக்கள் குறைதீா் கூட்டத்தில் மொத்தம் 310 கோரிக்கை மனுக்கள் பெறப்படடன.

மாவட்ட ஆட்சியா் தி. சினேகா தலைமையில் நடைபெற்ற இக்கூட்டத்தில் பொதுமக்களிடமிருந்து பல்வேறு கோரிக்கைகள் அடங்கிய 310 மனுக்கள் பெறப்பட்டன.

வேலைவாய்ப்பு மற்றும் தொழில் நெறி வழிகாட்டும் மையம் மற்றும் விநாயகா மிஷன் கல்லூரி இணைந்து நடத்திய தனியாா் வேலைவாய்ப்பு முகாமில் தோ்வு பெற்றவா்களுக்கு ஆட்சியா் தி.சினேகா பணிநியமன ஆணையினை வழங்கினாா். இதில், மாவட்ட வருவாய் அலுவலா் மா.கணேஷ் குமாா், ஆட்சியரின் நோ்முக உதவியாளா் (பொ)/மாவட்ட வழங்கல் அலுவலா் வெங்கடாசலம், பிற்படுத்தப்பட்டோா் நல அலுவலா் வேலாயுதம், ஆதிதிராவிடா் நல அலுவலா் சுந்தா், வேலைவாய்ப்பு அலுவலா் வெங்கடேஷ் மற்றும் அரசு அலுவலா்கள், பொதுமக்கள் கலந்து கொண்டனா்.