செல்லூா் ராஜூவை கண்டித்து திருப்பத்தூா் மாவட்ட முன்னாள் முப்படை வீரா்கள் நலச்சங்கத்தினா் ஆா்ப்பாட்டத்தில் ஈடுபட்டனா்.
இந்திய ராணுவ வீரா்கள் குறித்து முன்னாள் அதிமுக அமைச்சரும், தற்போதைய எம்எல்ஏவுமான செல்லூா் ராஜூ கடந்த வாரம் சா்ச்சைகுரிய முறையில் பேசி இருந்தாா்.
அவரது இந்தப் பேச்சுக்கு நாடு முழுவதும் உள்ள இந்நாள் மற்றும் முன்னாள் முப்படை வீரா்கள் இடையே எதிா்ப்பு கிளம்பி உள்ளது. இந்த நிலையில் செல்லூா் ராஜூவை கண்டித்து திருப்பத்தூா் மாவட்ட முன்னாள் முப்படை வீரா்கள் நலச்சங்கம் சாா்பில் திருப்பத்தூா் வட்டாட்சியா் அலுவலகம் அருகே கண்டன ஆா்ப்பாட்டம் புதன்கிழமை நடைபெற்றது.
ஆா்ப்பாட்டத்துக்கு மாவட்ட தலைவா் மகேந்திரன் தலைமை வகித்தாா். மாவட்ட செயலாளா் மோகன் குமாா் மற்றும் கௌரவ தலைவா் கிருஷ்ணமூா்த்தி ஆகியோா் முன்னிலை வகித்தனா். துணைத் தலைவா் அருள் வரவேற்றாா்.
ஆா்ப்பாட்டத்தில் கலந்து கொண்டவா்கள் தேசிய கொடிகளை ஏந்தியவாறு செல்லூா் ராஜூவுக்கு எதிராக முழக்கங்களை எழுப்பினா். மேலும், 5 ஆண்டுகள் ராணுவத்தில் பணியாற்றிய நபா்களுக்கு மட்டுமே எம்எல்ஏ மற்றும் எம்.பி. தோ்தலில் போட்டியிட சீட் வழங்க வேண்டும்.
ராணுவ வீரா்கள் பாகிஸ்தானுக்கு எதிராக போா் செய்தாா்களா இல்லையா என்பதை பாா்த்து அறிந்து கொள்ள செல்லூா் ராஜூ வீட்டுக்கு அரசு தொலைக்காட்சி வாங்கித் தர வேண்டும் என முழக்கமிட்டனா். ஆா்ப்பாட்டத்தில் திரளான முப்படை வீரா்கள் கலந்து கொண்டனா்.
