ஜிஎஸ்டி சீா்திருத்தம் வரலாற்று சிறப்புமிக்கது - இபிஎஸ்

ஜிஎஸ்டி சீா்திருத்தம் வரலாற்று சிறப்புமிக்கது என்று அதிமுக பொதுச்செயலா் எடப்பாடி கே.பழனிசாமிதெரிவித்துள்ளாா்.

இதுகுறித்து அவா் எக்ஸ் தளத்தில் வியாழக்கிழமை வெளியிட்ட பதிவு:

ஜிஎஸ்டி கவுன்சிலின் வரலாற்று சிறப்புமிக்க முடிவுகளை அதிமுக வரவேற்கிறது. பிரதமா் நரேந்திர மோடிக்கு எனது பாராட்டுகள். அவரின் தொலைநோக்கு பாா்வை கொண்ட தலைமைத்துவம் பல்வேறு சீா்திருத்தங்களுக்கு வித்திட்டுள்ளது.

அதேபோல் எளிமையாக்கப்பட்ட, வளா்ச்சிக்கு வித்திடக்கூடிய ஜிஎஸ்டி கட்டமைப்பை வெளியிடுவதில் அா்ப்பணிப்புடன் செயல்பட்ட நிதியமைச்சா் நிா்மலா சீதாராமனுக்கும் பாராட்டுகள்.

அத்தியாவசியப் பொருள்கள், சுகாதார சேவைகள், வேளாண் இடுபொருள்கள் மீது இனி 5 சதவீதம் மற்றும் 18 சதவீதம் என இரண்டு அடுக்குகளின் கீழ் மட்டுமே ஜிஎஸ்டி வரி வசூலிக்கப்படும் என்பதால் இது எளிமை, நியாயம் மற்றும் வளா்ச்சியை உறுதி செய்யும்.

ஜிஎஸ்டி சீா்திருத்தங்கள், வரி இணக்கத்தை எளிதாக்கும், நுகா்வோா் நம்பிக்கையை அதிகரிக்கும் மற்றும் பொருளாதார வளா்ச்சியை மேம்படுத்தும் எனப் பதிவிட்டுள்ளாா் அவா்.