ஜோகோவிச் அதிா்ச்சித் தோல்வி

ஆஸ்திரேலியாவில் நடைபெறும் பிரிஸ்பேன் இன்டா்நேஷனல் டென்னிஸ் போட்டியில், முன்னணி வீரரான சொ்பியாவின் நோவக் ஜோகோவிச் காலிறுதியில் தோல்வி கண்டாா்.

போட்டித்தரவரிசையில் முதலிடத்தில் இருந்த அவா், அந்தச் சுற்றில் 6-7 (6/8), 3-6 என்ற நோ் செட்களில், அமெரிக்காவின் ரெய்லி ஒபெல்காவால் வீழ்த்தப்பட்டாா். ஒபெல்காவின் கேரியரில் இதுவே அவரின் மிகப்பெரிய வெற்றியாகும். ஆஸ்திரேலிய ஓபனில் சாம்பியனாகி 25-ஆவது கிராண்ட்ஸ்லாம் வென்று சாதனை படைக்கும் முனைப்பில் இருக்கும் ஜோகோவிச்சுக்கு இந்தத் தோல்வி சற்றே சறுக்கலாகியிருக்கிறது.

இதர ஆட்டங்களில், போட்டித்தரவரிசையில் 2-ஆம் இடத்திலிருக்கும் பல்கேரியாவின் கிரிகோா் டிமிட்ரோவ் 6-1, 2-1 என, 8-ஆம் இடத்திலிருந்த ஆஸ்திரேலியாவின் ஜோா்டான் தாம்சனுடன் முன்னிலையில் இருந்தாா். அப்போது காயம் காரணமாக தாம்சன் விலக, டிமிட்ரோவ் வென்ாக அறிவிக்கப்பட்டாா். செக் குடியரசின் ஜிரி லெஹெக்கா 6-4, 6-4 என்ற நோ் செட்களில் சிலியின் நிகோலஸ் ஜேரியை வெளியேற்றினாா்.

பிரான்ஸின் ஜியோவனி பெரிகாா்டு 7-5, 7-6 (7/5) என்ற கணக்கில் செக் குடியரசின் ஜேக்கப் மென்சிக்கை சாய்த்தாா். இதையடுத்து அரையிறுதியில், பெரிகாா்டு - ஒபெல்காவையும், லெஹெக்கா - டிமிட்ரோவையும் சந்திக்கின்றனா்.

சபலென்கா வெற்றி: மகளிா் ஒற்றையா் காலிறுதியில், உலகின் நம்பா் 1 வீராங்கனையான பெலாரஸின் அரினா சபலென்கா 6-3, 6-4 என்ற நோ் செட்களில், செக் குடியரசின் மேரி புஸ்கோவாவை வெளியேற்றி அரையிறுதிக்கு முன்னேறினாா்.

அந்தச் சுற்றில் அவா், ரஷியாவின் இளம் வீராங்கனை மிரா ஆண்ட்ரீவாவை எதிா்கொள்கிறாா். போட்டித்தரவரிசையில் 8-ஆம் இடத்திலிருக்கும் ஆண்ட்ரீவா, 6-4, 7-6 (7/2) என்ற செட்களில் துனிசியாவின் ஆன்ஸ் ஜபியூரை வீழ்த்தினாா்.

உக்ரைனின் அன்ஹெலினா கலினினா 4-6, 6-1, 7-5 என்ற செட்களில், ஆஸ்திரேலியாவின் கிம்பா்லி பிரெலை தோற்கடித்து அரையிறுதிக்கு வந்துள்ளாா். அதில் அவா், ரஷியாவின் பாலினா குதா்மிடோவாவுடன் மோதுகிறாா்.

முன்னதாக பாலினா தனது காலிறுதியில், 7-6 (7/5), 6-3 என்ற செட்களில் அஷ்லின் குருகரை வென்றாா்.