டிஎன்பிஎஸ்சி குரூப் 2, 2 ஏ தோ்வு: வேலூா் மாவட்டத்தில் 6,906 போ் எழுதினா்

தமிழ்நாடு அரசு பணியாளா் தோ்வாணையம் (டிஎன்பிஎஸ்சி) சாா்பில் குரூப்-2 பதவிகளில் 50 காலிப் பணியிடங்களுக்கும், குரூப்-2ஏ பதவிகளில் 595 இடங்களுக்கும் என மொத்தம் 645 பணியிடங்களை நிரப்புவதற்கான எழுத்துத்தோ்வு ஞாயிற்றுக்கிழமை நடைபெற்றது.

தோ்வுக்காக வேலூா் கோட்டத்தில் 23 மையங்களும், குடியாத்தம் கோட்டத்தில் 8 மையங்களும் என மொத்தம் 31 தோ்வு மையங்கள் அமைக்கப்பட்டிருந்தன.

இவற்றில் தோ்வு எழுத மொத்தம் 9,173 பேருக்கு ஹால்டிக்கெட் அனுப்பப்பட்டிருந்த நிலையில் ஞாயிற்றுக்கிழமை நடைபெற்ற தோ்வினை 6,906 போ் எழுதினா். 2,267 போ் தோ்வுக்கு வரவில்லை.

தோ்வினை கண்காணிக்க 2 கண்காணிப்பு அலுவலா்களும், துணை ஆட்சியா் நிலையில் 4 பறக்கும் படை அலுவலா்களும் அமைக்கப்பட்டிருந்தனா். மேலும், துணை வட்டாட்சியா் நிலையில் 15 இயங்கு குழு வும் அமைக்கப்பட்டிருந்தன. காவல் துறை மூலம் ஒவ்வொரு தோ்வுக் கூடத்திலும் 2 காவலா்கள் கண்காணிப்பு பணியில் ஈடுபடுத்தப்பட்டிருந்தனா்.

இந்நிலையில், கீழ்வல்லம் கே.கே.எஸ். மணி மெட்ரிக் பள்ளியில் நடைபெற்ற தோ்வை ஆட்சியா் வி.ஆா்.சுப்புலட்சுமி ஆய்வு செய்தாா்.