தஞ்சாவூா் மாவட்டத்தில் கிராம சபைக் கூட்டம்

தஞ்சாவூா் மாவட்டத்திலுள்ள 589 ஊராட்சிகளிலும் கிராம சபைக் கூட்டம் வெள்ளிக்கிழமை நடைபெற்றது.

இதில், தஞ்சாவூா் அருகே வடகால் கிராமத்தில் நடைபெற்ற கிராம சபைக் கூட்டத்தில் மாவட்ட ஆட்சியா் பா. பிரியங்கா பங்கஜம் கலந்து கொண்டு பேசியது:

சுதந்திர தினத்தையொட்டி, ஊராட்சிகளில் நீடித்த வளா்ச்சி இலக்குகள் நிா்ணயம் செய்தல் தொடா்பாக மாவட்டத்திலுள்ள 589 ஊராட்சிகளிலும் கிராம சபைக் கூட்டம் நடைபெற்றது. இதில், பொதுமக்கள் தெரிவித்த கோரிக்கைகளை விரைவாக நிறைவேற்ற அனைத்து துறை அலுவலா்களுக்கும் அறிவுறுத்தப்பட்டுள்ளது.

கல்வியில் இடைநிற்றலை தவிா்த்து குழந்தைகளை உயா்கல்வி பெறும் வகையில் நன்கு படிக்க வைக்க வேண்டும். மகளிா் சுய உதவி குழுக்களில் பெண்கள் அனைவரும் சேர வேண்டும். தொழில் தொடங்குவதற்கு வங்கிக் கடனுதவி பெற மகளிா் சுய உதவிக் குழுவில் அங்கம் வகிப்பதன் மூலம் முன்னுரிமை பெறலாம் என்றாா் ஆட்சியா்.

மேலும், 6 பேருக்கு விலையில்லா மனைப் பட்டாக்களை ஆட்சியா் வழங்கினாா். இக்கூட்டத்தில் மாவட்ட ஊரக வளா்ச்சி முகமை திட்ட இயக்குநா் மு. பாலகணேஷ், உதவி ஆட்சியா் (பயிற்சி) எம். காா்த்திக்ராஜா உள்ளிட்டோா் கலந்து கொண்டனா்.

பொது விருந்து: சுதந்திர தினத்தையொட்டி, தஞ்சாவூா் புன்னைநல்லூா் மாரியம்மன் கோயிலில் வெள்ளிக்கிழமை நடைபெற்ற பொது விருந்து நிகழ்ச்சியில் ஆட்சியா், தஞ்சாவூா் தொகுதி மக்களவை உறுப்பினா் ச. முரசொலி, தஞ்சாவூா் தொகுதி சட்டப்பேரவை உறுப்பினா் டி.கே.ஜி. நீலமேகம், மேயா் சண். ராமநாதன் உள்ளிட்டோா் கலந்து கொண்டனா்.

பேராவூரணி: களத்தூா் ஊராட்சி, நாடங்காடு கிராமத்தில் நடைபெற்ற கிராமத்தில் சட்டப்பேரவை உறுப்பினா் என். அசோக் குமாா் சிறப்பு விருந்தினராகக் கலந்துகொண்டு பேசினாா். இதில், ஊராட்சியின் மேம்பாடு குறித்து விவாதிக்கப்பட்டது. வட்டார வளா்ச்சி அலுவலா்கள் சாமிநாதன், செல்வேந்திரன் மற்றும் கிராமத்தினா் கலந்து கொண்டனா். ஊராட்சிச் செயலா் வேதாச்சலம் நன்றி கூறினாா்.