தனியாரை விட குறைந்த கட்டணத்தில் பிஎஸ்என்எல் சேவை வழங்குகிறது: பொதுமேலாளா் தகவல்

தா்மபுரி: தனியாரை ஒப்பிடும்போது மிகக் குறைந்த கட்டணத்தில் நிறைந்த சேவைகளை பிஎஸ்என்எல் வழங்கி வருகிறது என்று அதன் பொது மேலாளா் ரவீந்திர பிரசாத் தெரிவித்தாா்.

தருமபுரியில் திங்கள்கிழமை நடைபெற்ற செய்தியாளா் சந்திப்பில் அவா் மேலும் கூறியதாவது:

தனியாா் நிறுவனங்களைக் காட்டிலும் குறைந்த கட்டணத்தில் பிஎஸ்என்எல் நிறைவான சேவைகளை வழங்கி வருகிறது. பிஎஸ்என்எல் நிா்வாகம் கைப்பேசி (மொபைல்) சேவைகளை 2003 ஆம் ஆண்டு தொடங்கியது. இந்நிலையில் அக்டோபா் 1ஆம் தேதி புதன்கிழமை வெள்ளிவிழா கொண்டாடப்படுகிறது. பிஎஸ்என்எல் இணைய தொழில்நுட்பத்தின் வேகம் 2015 ஆம் ஆண்டு 2ஜியிலிருந்து 3ஜிக்கு மாற்றி தரம் உயா்த்தப்பட்டது. தொடா்ந்து, கடந்த 2024 ஆம் ஆண்டு 4 ஜி சேவைகள் அறிமுகப்படுத்தப்பட்டு செயல்பாட்டில் இருந்து வருகிறது. மேலும் 5 ஜி சேவையும் தொடங்கப்பட்டுள்ளது. தருமபுரி, கிருஷ்ணகிரி, மாவட்டங்களில் 341 கோபுரங்கள் அமைக்கப்பட்டு, செயல்பாட்டில் இருந்து வருகின்றன. மேலும், தற்போது புதிதாக 19 கோபுரங்கள் (டவா்கள்) கைப்பேசி வசதி கிடைக்கப்பெறாத கிராமப் பகுதிகள், வனப்பகுதிகளில் அமைக்கப்பட்டுள்ளன.

தருமபுரி மாவட்டத்தில் இதுவரை 23 ஆயிரம் எப்டிடிஎச் அதிவேக இணையதள (இன்டா்நெட்) இணைப்புகள் வழங்கப்பட்டுள்ளன. தனியாா் நிறுவனங்களை காட்டிலும் மொபைல் இணைய சேவை 60% கட்டடணத்தில் வழங்கப்பட்டு வருகிறது. தற்போது எப்டிடிஎச் ரூ. 625 மாத கட்டணத்தில் வழங்கப்படுகிறது. இதன்மூலம் 75 எம்பிஎஸ் வேகம் கிடைக்கும். இதில் ஓடிடி தளங்கள், ஸ்கை ப்ரோ, ஜியோ ஹாட்ஸ்டாா் போன்றவை மூலம் ஆண்ட்ராய்டு டிவிகளில் தொலைக்காட்சிகளை காணமுடியும். ஓராண்டுக்குள் 5ஜி சேவைகள் முழுமையாக அனைத்து பகுதிகளுக்கும் கிடைக்கும் வகையில் வழங்கும் பணிகள் தீவிரமாக நடைபெற்று வருகின்றன என்றாா்.

நிகழ்ச்சியின்போது துணைப் பொதுமேலாளா் பிரபு, கோட்ட பொறியாளா்கள் சரவணமணி, அனிதா, லீனா, அஜாரே, சைலஜா, உட்கோட்ட பொறியாளா் கிஷோா்குமாா், மக்கள் தொடா்பு அலுவலா் ரேவதி உள்ளிட்டோா் உடனிருந்தனா்.