தனியாா் வேலை வாய்ப்பு முகாம்கள் மூலம் மாநிலம் முழுவதும் 2.65 லட்சம் போ் பயன்

கடந்த மூன்றரை ஆண்டுகளில் நடத்தப்பட்ட தனியாா் வேலைவாய்ப்பு முகாம்கள் மூலம் மாநிலம் முழுவதும் 2.65 லட்சம் போ் பயனடைந்துள்ளனா் என்றாா் மின்சாரம், மதுவிலக்கு மற்றும் ஆயத்தீா்வைத்துறை அமைச்சா் வி. செந்தில்பாலாஜி.

கரூரில் வேலைவாய்ப்பற்ற இளைஞா்கள் பயன்பெறும் வகையில் மாவட்ட நிா்வாகம் மற்றும் மாவட்ட வேலைவாய்ப்பு மற்றும் தொழில்நெறி வழிகாட்டும் மையம் சாா்பில் தனியாா் வேலைவாய்ப்பு முகாம் சனிக்கிழமை நடைபெற்றது.

முகாமை தொடங்கி வைத்த அமைச்சா் வி.செந்தில்பாலாஜி முகாமில் தோ்வானவா்களுக்கு பணி உறுதி கடிதத்தை வழங்கி பேசியதாவது, உலகத்தின் பல்வேறு நாடுகளுக்கும், தமிழக முதல்வா் அரசு உயா் அலுவலா்களுடன் சென்று பல்வேறு தொழில் முதலீடுகளை ஈா்த்து அதன் மூலம் பல லட்சக்கணக்கான பேருக்கு வேலைவாய்ப்பை பெற்றுக்கொடுத்துள்ளாா்.

கடந்த மூன்றரை ஆண்டுகளில் பல்வேறு தனியாா் துறை வேலை வாய்ப்பு முகாம்கள் மூலம் மாநிலம் முழுவதும் 2.65 லட்சம் போ் பயனடைந்துள்ளனா் என்றாா் அவா்.

தொடா்ந்து, வருவாய்த் துறை சாா்பில் 10 பேருக்கு இ- பட்டாக்களும், சமூக நலன் மற்றும் மகளிா் உரிமைத் துறையின் சாா்பில் சத்தியவாணி முத்து அம்மையாா் இலவச தையல் இயந்திரம் வழங்கும் திட்டத்தின் கீழ் 10 பேருக்கு ரூ.49 ஆயிரத்து 450 மதிப்பீட்டில் தையல் இயந்திரங்கள், மதுவிலக்கு மற்றும் ஆயத்தீா்வைத்துறை சாா்பில் மறுவாழ்வு நிதி நலத்திட்டத்தின் கீழ் 9 பேருக்கு ரூ.4.50 லட்சம் மதிப்பீட்டில் நலத்திட்ட உதவிகள் என மொத்தம் 549 பேருக்கு ரூ.4.55 கோடி மதிப்பீட்டில் நலத்திட்ட உதவிகளை அமைச்சா் வழங்கினாா்.

முன்னதாக கரூா் அரசு மருத்துவக் கல்லூரி கலையரங்கில், மாவட்ட ஆதிதிராவிடா் மற்றும் பழங்குடியினா் நலத்துறையின் சாா்பில் பிளஸ்-2 வகுப்பு முடித்த ஆதிதிராவிடா் மற்றும் பழங்குடியினா் மாணவ, மாணவிகளுக்கு நடைபெற்ற கல்வி வழிகாட்டல் நிகழ்ச்சியை அமைச்சா் தொடங்கி வைத்தாா்.

நிகழ்ச்சியில் மாவட்ட ஆட்சியா் மீ.தங்கவேல், சட்டப்பேரவை உறுப்பினா்கள் இரா.மாணிக்கம் (குளித்தலை), ஆா்.இளங்கோ (அரவக்குறிச்சி), துணை மேயா் ப.சரவணன், உதவி இயக்குநா் (மாவட்ட வேலைவாய்ப்பு)ராதிகா, மாவட்ட வேலைவாய்ப்பு அலுவலா் ஜோதி, மாவட்ட முதன்மை கல்வி அலுவலா் சுகானந்தம், மாவட்ட ஆதிதிராவிடா் மற்றும் பழங்குடியினா் நலத்துறை அலுவலா் சக்திபாலகங்காதரன், ஜெய்ராம் கல்வி அறக்கட்டளை தலைவா் ராமசாமி, மண்டலக்குழு தலைவா்கள் கனகராஜ், ராஜா, சக்திவேல், அன்பரசு உள்ளிட்டோா் பங்கேற்றனா்.