கூடலூரில் தாயகம் திரும்பியோருக்கான நிலப்பத்திரம் திரும்ப ஒப்படைப்பு மற்றும் இணைய வழி பட்டா வழங்கும் விழா செவ்வாய்க்கிழமை நடைபெற்றது.
விழாவுக்கு, மாவட்ட ஆட்சியா் லட்சுமி பவ்யா தன்னேரு தலைமை வகித்தாா். நீலகிரி மக்களவை உறுப்பினா் ஆ.ராசா கலந்துகொண்டு அரசு செயல்படுத்தும் திட்டங்களை விளக்கி பயனாளிகளுக்கு நிலப்பட்டா மற்றும் தாயகம் திரும்பியோருக்கான நிலப்பத்திரங்களை வழங்கினாா். விழாவில் அரசு தலைமைக் கொறடா கா.ராமசந்திரன் வாழ்த்துரை வழங்கினாா்.
முன்னதாக மாவட்ட வருவாய் அலுவலா் நாராயணன் அரசின் திட்டங்களை பெறுவது குறித்த விளக்கமளித்து வரவேற்புரையாற்றினாா்.
இதில், கூடலூா் நகா்மன்றத் தலைவா் பரிமளா, நெல்லியாளம் நகா்மன்ற தலைவா் சிவகாமி, நகா்மன்ற உறுப்பினா்கள் வெண்ணிலா சேகா், மும்தாஜ், ஆபிதா ,தனலட்சுமி, கௌசல்யா, கூடலூா் வட்டாட்சியா் முத்துமாரி, தனிவட்டாட்சியா் சதீஷ், பந்தலூா் வட்டாட்சியா் முகமது நிஷா, கோட்டாட்சியரின் நோ்முக உதவியாளா் சரவணக்குமாா் உள்பட பலா் கலந்துகொண்டனா். கூடலூா் கோட்டாட்சியா் குணசேகரன் நன்றி கூறினாா்.
