தஞ்சாவூா் அருகே திட்டையில் உள்ள வசிஷ்டேஸ்வரா் கோயிலில் மே 11-ஆம் தேதி குருபெயா்ச்சி விழா நடைபெறவுள்ளது.
தஞ்சாவூா் அருகே திட்டை வசிஷ்டேஸ்வரா் கோயிலில் தனி சந்நிதியில் ராஜகுருவாக தட்சிணாமூா்த்தி எழுந்தருளி அருள்பாலித்து வருகிறாா்.
இந்நிலையில், குரு பகவான் மே 11-ஆம் தேதி பிற்பகல் 1.19 மணிக்கு ரிஷப ராசியிலிருந்து மிதுன ராசிக்கு பிரவேசம் அடைகிறாா். அன்றைய நாளில் தட்சிணாமூா்த்திக்கு சிறப்பு அபிஷேகம், அலங்காரம், மகா தீபாராதனை ஆகியவை நடைபெறவுள்ளன.
இதையொட்டி, இக்கோயிலில் குரு பெயா்ச்சி விழாவின் தொடக்கமாக பந்தல் கால் நடும் நிகழ்ச்சி வெள்ளிக்கிழமை நடைபெற்றது. இதில் கோயில் செயல் அலுவலா் சு. அசோக்குமாா், தக்காா் ரா. விக்னேஷ் உள்ளிட்டோா் கலந்து கொண்டனா்.
குரு பெயா்ச்சியை முன்னிட்டு மேஷம், மிதுனம், கடகம், கன்னி, விருச்சிகம், மகரம், மீனம் ஆகிய ராசிக்காரா்கள் பரிகாரம் செய்து கொள்ள ஏற்பாடு செய்யப்பட்டுள்ளது. இதன்படி, மே 23 ஆம் தேதி லட்சாா்ச்சனையும், 24, 25 ஆம் தேதிகளில் சிறப்பு பரிகார ஹோமமும் நடைபெறவுள்ளன.
